Ntandiliko 1:5 - Bibiliya ya Chimakonde

⁵ Nnungu nkuuchema nng'anji “Muhi,” na lupi nkuluchema “Chilo.” Bahi nkuva muhi, na nkuva chilo. Na anelyo lyávele liduva litandi.

Ntandiliko 1:5 Referans Kwoze

1 Vasesalonike 5:5

Kwa kuva, mwenu mmammalele nni mmanu muikâla munng'anje, yani ni mmanu mma muhi. Hwetu tukee tuvanu tùvá chilo wala tùvá nnupi.

Ntandiliko 8:22

Bahi mahiku la kupanda na la kuvuna, na mahiku la chipwepwe na la chitukuta, na mahiku la chihuku na la chambu, chilo na muhi, anevyo vyammalele vìmbekuva chihi nkupwawa mpaka ntululilo wa chilambo.”

Vaefeso 5:13

Henga matendo lammalele palapihuliwa na nng'anje, lànaonekana.

1 Vakolinso 3:13

Henga liduva lya hukumu nni limbetênda uwonekane uwambone wa madengo la kila munu. Kwa kuva, liduva anelyo pambehumila moto, na anewo moto njo umbeipîma na kulanguja uwambone wa madengo la kila munu.

Ntandiliko 1:8

Nnungu nkuichema aneyo nafasi, “Kumahunde.” Bahi nkuva muhi, na nkuva chilo. Na anelyo lyávele liduva lyavili.

Ntandiliko 1:31

Bahi Nnungu nkuvilola vyammalele vyaviumbele, nkwona kuva kila chinu chachitendile nni chambone namene. Bahi nkuva muhi, na nkuva chilo. Na anelyo lyávele liduva lya sita.

Ntandiliko 1:23

Bahi nkuva muhi, na nkuva chilo. Na anelyo lyávele liduva lya nnyano.

Ntandiliko 1:19

Bahi nkuva muhi, na nkuva chilo. Na anelyo lyávele liduva lya ncheche.

Ntandiliko 1:13

Bahi nkuva muhi, na nkuva chilo. Na anelyo lyávele liduva lyatatu.