Luka 3:3 - Bibiliya ya Chimakonde

³ Anepo Yohana nkupita waonga mmilambo vyammalele vivêle pepi na muto wa Yoludani wavahubilila vanu valeke masambi na kubatiswa uchinga Nnungu avasamehe masambi lavo.

Luka 3:3 Referans Kwoze

Luka 1:77

kwa kuvamaiha vanu vake upohi wa kusamehewa masambi lavo.

Matendo 22:16

Hambi ùlindilila chani? Imila ubatiswe, uhahulwe masambi lako akuno uyùwà kwa lina lya Nang'olo.’

Matendo 19:4

Paolo nkuchidoni, “Ubatiso wanga Yohana únitendeka uchinga vanu valeke kutenda masambi. Yohana ávahaulila vanu vankulupile ayula anavele nkwida nnyuma mwake, yani Yesu.”

Matendo 13:24

Yesu kabla akànambitandilika madengo, Yohana ánilongolela hoti unavahubilila vanu vammalele va Isilaeli valeke masambi na vabatiswe.

Yohana 3:26

Bahi avala vakuhundwa nkummwenela Yohana nkunnyaulila kuchidoni, “Nkúhunda, ayula munu únavenawe pamo kung'ambo muto wa Yoludani na kutanga habali dyake, hambi nanang'e àvenkubatisa, na vanu vohe namene vànammwenela.”

Matayo 3:11

Nangu nìm'batisa mwenu kwa medi kulanguja kuva mùnileka masambi lenu. Henga aîda nnyuma mwangu àvele na dimongo ungupunda nangu, na nangu nikáfala kuntumikila kananga kwa kuhungula mididi ya vilatu vyake. Nang'e àmbem'batisa mwenu kwa Umumu Wanaswe na kwa moto.

Yohana 1:28

Vitukutuku anevyo vítendeke aneko ku Besaniya, kung'ambo muto wa Yoludani, pachinu pachivabatisa vanu Yohana.

Luka 1:16

Nang'e àmbevatenda Vaisilaeli vohe vammuyile Nang'olo Nnungu wavo.

Luka 4:1

Anepo Yesu nkuuya kuhaloka kumuto wa Yoludani akuno aumbajìjwè Umumu Wanaswe. Aneyo Umumu nkunnodya Yesu kuhwena kulilanga.