Tito 3:14 - Kaxinawá Bíblia (BR)

¹⁴ Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Kashinawa : Diosun Jesúswen taexun yuba bena yiniki

¹⁴ Min jatu jaska wamaiwen taexun nukunabundi tapintidubuki, jatun jiweawen pe medabenameti shada jatu uinmakin Dios dayaxunaibu jatu medabewatidubuki, jatun jiwea pekidi jatu shinanmakinan.

Tito 3:14 Referans Kwoze

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Mateus 7:19

Hanua hi bimiuma tibi deratã kuamisbuki.

2 Pedro 1:8

Mã haska tibi haya mã hawẽ ewairã, txanima nukũ Shanẽ Ibu Jesus Cristo unãkĩ mã hamẽ haibuwamaki. Ha inũ, matũ hiwearã, hamẽmari ishanikiki.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

Efésios 4:28

Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 15:8

Haskai duapanãkĩ Deusũ kuxipa mã hatu kẽwãmairã, bimi itxapayai keskakĩ txanima ẽ tsumabu kayabi shabakabi mã ishãkanaii.

Hechos 20:35

Haska inũ, nukũ Shanẽ Ibu Jesusũ nuku yusĩkĩ yuikĩ: “Tsuara nuitapakĩ hawara bi benimamisbuki. Hakia tsuãra nuitapaibu merabewakĩ inaĩ benimatxakayamamisbuki”, hatu wani xinaĩ: “Txikixama dayakĩ nuitapaibu merabewakubaĩshãkãwẽ”, akĩ ẽ matu yusĩkũbaĩmiski— iwanã,

Mateus 21:19

hi betsa figueira benãta tupã bai kesha nia betxitã hawẽ bimi hayamẽkaĩ uĩtanũ ika kashũ hawa bimi hayama hawẽ peis besti uĩkĩ Jesusũ hi bimiuma yupukĩ yuikĩ: —Hau tsuã mĩ bimi ana piyamashanũbũ ana bimitaskayamashãwẽ— akaya haskabiama e iskaũ hawẽ pei niri iki shanaya

Hechos 18:3

Ha Áqüila hawẽ aĩbetanã, habias daya Paulõ amisri akĩ tari hiwe wamisbukẽ haskawẽ taea hatube dayanũ ika hatu anu baxikuima Paulo hiwea

Isaías 61:3

Sião anu bika tenei hiweaburã, ana txi mapu hatu mapu tukumama maiti hawẽrua inãkĩ hatu sawematãwẽ. Nui kashatxakayamisbu hatu nese watã benimati sheni ininipa hatu inãtãwẽ. Tsuabura hawawẽ haskatima merabewakĩ benimawakĩ kãtati shinã txãkãti hatu yusĩtãwẽ. Mĩ hatu haska wa yurabũ hatu kenakĩ: ‘Ha hi kushipa tekeisma Senhor Deusũ bananishũ hawẽ kushipa hatu unãmati hiki’, akĩ hatu kenashãkanikiki.

1 Tesalonicenses 2:9

Ẽ betsabu inũ ẽ puibuũ, Deusũ kakape matu yusĩ kashũ matũ piti pikĩ matu bika wakĩ nũ matu txikix wakatsi ikama bariri inũ mexu merã dayahairai yumãkĩ nukũ dayawẽ taeshũ nukũ piti nũ bikubainima mã unaiĩ.

Romanos 15:28

Haskakẽ hatũ pei itxawaimabu ha dukũ Jerusalém anuabu ẽ hatu pei bumayuaii. Haska wakĩ hatu pewashũtã hanua Espanha anu hatu yusĩ kai matu daĩbaini ẽ matuki bayushanaii.

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

Filipenses 4:16

Eska ea wakinã, Tessalônica mae ewapa anushũ ẽ hatu yusĩayã hanu hawẽtxaĩs mã ea pei bumakubainibuki, hawẽ ẽ hamapai tibi ẽ binunã.

Tito 2:8

Tsuabura nukũ yusĩaki ha ikaibu hatu dakewakĩ hau ana nukukiri hawa txakabu yuiyamanũbũ hãtxa pekiri besti yui nemakanãtikiri besti hatu yuikubaĩwẽ.