Tito 1:9 - Kaxinawá Bíblia (BR)

⁹ Haskamisbuwẽ taeshũ ikũwaĩ betsaburi merabewakĩ hatu benimawakĩ yusĩa pepawẽ hatu ikũwãmakĩ habũ hamakiri xinã txakaibu hatu merabewatirubuki. Hatu haska wakĩ Jesus Cristokiri txanima hãtxa nũ hatu yusĩmis ikũwãkĩ betsa tibi xinãma nukũ yusĩa hau txibãriakubainũbũwẽ.

Kashinawa : Diosun Jesúswen taexun yuba bena yiniki

⁹ Jaskamisbuwen taexun ikunwain betsabudi medabewakin jatu benimawakin yusian pepawen jatu ikunwanmakin jabun jamakidi shinan chakaibu jatu medabewatidubuki. Jatu jaska wakin Jesucristokidi chanima jancha nun jatu yusinmis ikunwankin betsa tibi shinanma nukun yusian jau chibandiakubainunbunwen.

Tito 1:9 Referans Kwoze

2 Tesalonicenses 2:15

Haskawẽ taea ẽ betsabu inũ ẽ puibuũ, matu haska wakĩ katunikẽ nukũ yusĩa beya bena hari matũ mae anu kashũ ibubis nũ matu yusĩtanima inũ nukũ kenewẽ nũ matu yusĩainã, hakimama txibãkubaĩkãwẽ.

2 Timóteo 1:13

Jesus Cristo nuku ishuniwẽ taea ikũwaĩ abunamekĩ ẽ mia yusĩmis keska wakĩ hãtxa kayabi kayatapia yusĩkĩ heneyamawe.

1 Timóteo 6:3

Tsuãra hatu yusĩkatsis ikĩ hatũ xinã betsahaira itimaskakiri haska hatu yusĩanã, nukũ Shanẽ Ibu Jesus Cristõ nuku yusĩni keskama inũ haska hakiri xinãkĩ nũ hatu yusĩmis keskama hatũ xinãnẽ besti kẽkĩ yusĩkatsis ikanikiki.

1 Timóteo 1:10

txutabaũmisbu inũ, huni dabe txutanamemisbu inũ, aĩbu dabe txutanameaibu inũ, yura betsabu yumetsushũ hawẽ pei bikatsi dayaru wakĩ inãmisbu inũ, txani txakamisbu inũ, hamẽ uĩyamabia yura betsaki yubakatã paranamisburã, haskabunaki, haska habũ yusĩa kayabi txibaĩsbumarã.

Apocalipse 3:3

Hanushũ Deusũ hãtxa yusĩnãbũ matu yusĩabu mã nĩkani xinãkãwẽ, xinã betsa watã ana txibã taewakinã. Hamẽ mã ea nĩkakatsi ikabumakẽ yumetsu hune humis keskai mã ea manatxakaya hatiara eari hune hushũ ẽ matu datetuxishanaii.

1 Timóteo 1:15

Na haskarã, txanima kayabiki, tsuabũra ikũwãtiruburã. Ikũki Jesus Cristo mai anu tashnirã, txakabu wamisbu hau Deusũ hatu kupiyamashanũ hatũ txakabu buatã hatu mekẽnũ ika huniki. Hamẽ eãnã, txakabu wakĩ yura dasibibu ẽ binuhairaniki.

Tito 2:1

Mianã, hawara mĩ hatu yuikatsis ikairã, na ẽ mia yuiai keska wakĩ habias Deusũ hãtxa kayabi pepawẽ hatu yusĩkubaĩwẽ.

Tito 1:11

Hatu yusĩ pewabumabia hatũ mabu biã xaranũ ika peiwẽ kemukĩ hiwe anua yura betsa hawenabuya hatu xinã betsa wamakĩ hatu parãbiabu hatu nĩkakanikiki. Haskawẽ taeshũ mekenikabũ mibetã yusĩkĩ hau hatu nemakubainũbũwẽ.

2 Timóteo 4:3

Txipu bari betsatiã yurabu itxatã yusĩa kayabi ana nĩkakatsi ikabuma ishãkanikiki. Hakia haska habũ nĩkakĩ abuai besti anũ ikaibu hatũ yusĩa pepamabiakẽ hawẽ benimanũ ishũ hawara haska nĩkakatsi ikaibu besti hatu yusĩmanũ ishũ yusĩnã itxapabu hatu yusĩmashãkanikiki,

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.

Jó 2:3

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki. Hawa txakabuwamabiakẽ Jó mĩ ea itxakawãbiashina Jó hawa shinã txakama hawẽ shinã pepa bestiwẽ taeshũ tsuã hakiri txakabu yuitirubumaki— aka

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.

Apocalipse 2:25

Hakia na besti matu yuinũ nĩkakãwẽ. Deusũ yusĩa mã haya ha txibãkĩ henepakeyamashãkãwẽ, ẽ ana kayushanairã.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.

2 Timóteo 2:25

Tsuabura nĩkaisbuma inũ patapabu mĩ hatu merabewakĩ pewakatsis ikairã, huĩti babutã hawa sinatama eska xinãkĩ hatu unãmakubaĩwẽ, Deusũ hawẽ txakabu unãma xinã betsa watã: “Haskarã, txanimaki”, ikĩ hatũ txakabu henetirubu manakinã.

2 Timóteo 2:2

Itxapabu ẽ hatu yusĩkubaunai mĩ nĩkakĩ tapĩmisshũ akai keskari mĩ hatu tapĩmairã, ha hunibu pe hiwekĩ ikũhairawai txĩtuãma hatu uĩmai duapakũkaĩkĩ yurabu yusĩkĩ hatu merabewatirubu hatu katutã hau habiaskari yusĩkubainũbũ hatu yunukubaĩwẽ.

1 Timóteo 4:9

Ha hãtxa txanimaki, dasibibũ nĩkakĩ ikũwãtiruburã.

Hechos 18:28

Habu judeubũ Jesus ikũwãbuma hamakiri yuiaibu Deusũ hãtxa kenenibuwẽ hatu yusĩkĩ: “Deusũ Messias Shanẽ Ibu mã manahairamisrã, Jesuski”, akĩ dasibi itxabu besuubishũ judeu shanẽ ibubũ hatu yusĩmis ana nemakĩ danãtirubuma hatu wanikiaki, hatu shabakabi unãmakinã.

1 Coríntios 14:24

Hakia Deusũ matu merabewaya matũ hãtxawẽ mã shabakabi hatu yusĩayã yurabu ikũwãbuma hikishũ nĩkakĩ hatũ xinã txakabu unãkĩ ikũwãnũ, iwanã, haska hiwemisbu unãtã matubetã ikũwãkatsis ikĩ xinã betsa watirubuki.

2 Timóteo 3:14

Haskabiaibũ miarã, Deusũ hãtxa pepa mia yusĩabu tapĩtã mĩ ikũwãni habiaskas xinãkĩ txibãkubaĩwẽ.