Salmos 69:13 - Kaxinawá Bíblia (BR)

¹³ Hakia Senhor Deusuũ, ẽ mia ea akaii. Ẽ Deusuũ, na habiatiã ea merabewawe! Mĩ nuihairawẽ ea kemawe! Mĩ ea putama ea merabewakubaĩmiswẽ taeshũ ea piskumariwe!

Salmos 69:13 Referans Kwoze

Isaías 49:8

Senhor Deusũ ana hatu yuikĩ: “Ẽ yubakaniwẽ taea ẽ duapa matu uĩmakatsi ikĩ ẽ matu kemaniki. Ha shabatiã matu piskumakatsis ikĩ ẽ matu merabewaniki. Matuwẽ yubakatã mestẽwãkatsis ikĩ matu pe arukĩ ẽ matu merabewaniki. Matũ mai pakea txakabuwanibu matu ana ibu wamatã ẽ matu hatu pewamashũriakatsis ikaii.

Salmos 91:15

Hatũ ea kenaya ẽ kemashanaii. Ea kayabis ẽ habes ishanaii. Hawara bika teneai binumatã betxipaihairakĩ duawakĩ yurabu ẽ kẽwãmashanaii.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

Hebreus 5:7

Ha inũ, nenu mai anu yurabube Cristo hiweyua mawawẽ dateyamanũ ika yumaĩ saĩ iki kashai hawẽ Epa Deusũ merabewatiru xinaĩ habe hãtxakĩ hau hawẽ date yushĩ nemashunũ hawẽ kuxipa ea aniki. Hawẽ Epã hãtxa nĩkakĩ danaĩsmawẽ taeshũ Epa Deusũ haska wai nĩkatã hawẽ date nemashuniki.

Isaías 55:6

Isaíasĩ hatu yuikĩ: “Mã Senhor Deuski nukukatsis ikairã, menã kenarikãwẽ, na habia txaima matu dapi nia mã haki nukutirukirã.

Lucas 22:44

hanu bika tenetxakayamai mesteã daka anua niskãhairai himi keska tuis tuis ikĩ mai metxa watã

Salmos 51:1

Senhor Deusuũ, mĩ nui paewẽ ewẽ dabanã iwe. Mĩ ewẽ nuimiswẽ taeshũ ẽ txakabu ea tere ashũwẽ.

Salmos 32:6

Haskawẽ taeshũ tsuãra mia ikũwaĩ txĩtuãma bika tenekĩ mia yukabu mĩ nĩkamiski. Mia yukakĩ haska wamisbuwẽ taea bika teneti itamama hatu anu hubiai ana hatuki kemama ishanikiki.

Ester 7:2

pikĩ ana ha katxu Assuerõ Ester hãtxa wakĩ: —Hawara mĩ ea yukakatsis ikai menã hawaira ea yukariwe. Ẽ shanẽ ibũ yunumis namakis pashkatã kasmai hawara mĩ ea yukai ẽ mia inãtiruki— aka

Ester 5:2

hemaĩtĩ anu hawẽ aĩ kayabi betxitã haska betxipaiai uĩmakĩ hawẽ shanẽ ibu unãti mane ouro mestẽti tsumabaĩmis Assuerõ hakiri sanã Ester tapikaĩ haki kemashũ hawẽ mane ouro mestẽti debu mekĩ detsuãyã

Lucas 1:72

Haska bebũkiri nukũ shenipabu hawawẽ hatu haska wati nuii hatuwẽ yubakai hatukiri hãtxa meribi wai mĩ hãtxapaunirã, hakimama mĩ xinaiĩ.

Miquéias 7:20

Haska nukũ shenipabu Abraão inũ Jacóbe mĩ yubakani keska wakĩ, Senhor Deusuũ, merabewakĩ nukuwẽ nuikĩ mĩ yubakani hãtxa nuku hakimawayamakubaĩshãwẽ.