Salmos 51:7 - Kaxinawá Bíblia (BR)

⁷ Ẽ txakabu mĩ ea txuka ẽ ana txakabu hayama ishanaii. Ẽ txakabu ea txukakĩ mĩ ea shũpĩ wanã, ha matsi tãki hushupamis ẽ binushanaii, hawa ana txakabu hayamairã.

Salmos 51:7 Referans Kwoze

1 João 1:7

Hakia tsuãra Deusũ hãtxa ikũwãtã txibaĩ mã pepai hiweaburã, Deusũ shabaki mã ma pesea keskabuki. Haskawẽ taea nukubũ ikũwaĩbu nũ ma dasiabuki. Hanushũ txanima hawẽ bake Jesus Cristo nukuwẽ taea mawakĩ hawẽ himi habakĩ Deus nuku daewashũkĩ ma nukũ txakabu nuku bua keyushuniki.

Isaías 1:18

Senhor Deusũ ana matu yuiai nĩkakãwẽ: “Matube hãtxakĩ matũ hiwea ẽ matu pewakatsis ikai nenu ea anu bekãwẽ. Matũ txakabu huni dama tenã himi shana biri ikai keskabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii. Mã txakabumis atimapahairabiakẽ matu txuka pewakĩ matũ txakabu matu buashũkĩ hushupa keska ẽ matu henekatsis ikaii.

Apocalipse 1:5

Ha dikabi Jesus Cristo hawa txani txakaisma mawatã ha dukũ bestẽni inũ mai hirabi anu habu shanẽ ibu betsa betsapa binui hatũ shanẽ ibumisrã, hau hatũ matu unãnuma hiwemarianũwẽ. Ha inũ, nuku abui nukuwẽ nuikĩ nukũ txakabuwẽ taea mawakĩ hawẽ himi habakĩ nuku buashũrianiki.

Hebreus 9:19

Haska inũ, Deusũ yunuti hãtxa tibi inũ hawẽ nemati hãtxa tibi Moisés hawenabu dasibi yusĩshũ hatu keneshũtã, txipu txashuwã dani taxipa wa ni peiyabi tsumashũ ina awa bake himi inũ ũpash neshua pukutãtãkĩ Deusũ hãtxa una baxatã hawenabu baxa baxa akĩ

Êxodo 12:22

kẽtxaki hawẽ himi kesũkĩ mata washũ ni pei meske meske ashũ neakĩ bushukuatã himi pukutãtãkĩ hanu hikiti shui beputi hi istabĩ dabe inũ hawẽ makishkũki himiwẽ pushakĩ hau keyushanũbũwẽ. Egito nawabu kupikatsi iki hawẽ nai tsumabe Senhor Deus hukĩ hawẽ beputi hi istabĩ dabe inũ hawẽ makishkũki himiwẽ mã pushabu uĩkĩ hau matũ huni bake iyuabu tenãyamashanũ hatũ debuwanika nai tsuma nemai matũ hiwe tibi manaũri daĩbaĩshanaiwẽ taea penariama matũ hiwe anua kaĩyamayushãkãwẽ.

João 13:9

Simão Pedrõ yuikĩ: —Haskakenã, Shanẽ Ibuũ, ea hutxu bestiama ea metxukĩ ea butxuriawe— aka