Salmos 51:10 - Kaxinawá Bíblia (BR)

¹⁰ Ẽ Deusuũ, ana ẽ huĩti bena shũpĩ ea wakĩ ẽ yushĩ bena wakĩ ana ea txĩtũtimawawe.

Salmos 51:10 Referans Kwoze

2 Coríntios 5:17

Hanushũ tsuabũra Cristo ikũwaĩ haki nukui dasiayarã, habũ xinã sheni Deusũ betsa waya hawara mekĩ txakabuwamis henetã hatũ Shanẽ Ibu Cristo txibãnũ ika yura bena keskabuki.

Mateus 5:8

—Ha inũ, tsuabura xinã shũpĩ pepa haya habũ Deus uĩ hiweshanaibuwẽ taea benimapaketi xinaĩ benimakubaĩkanikiki.

Ezequiel 18:31

Ea sinatamakubaĩkĩ matũ txakabu haska mã akubainai henetã shinã pepa shinãkĩ yushĩ pepa bena bikubaĩkãwẽ. Tsua mã mawayamanũ, iwanã, ẽ betxipaiamawẽ taea Israelĩ enabuũ, kupia yumaĩ haskai mã mawashanai? Matũ txakabu hene keyutã hiwei perikubaĩkãwẽ, ẽ hawẽ taeshũ ẽ matu kupiyamashanunã. Ana txakabuwama hiwei pe bestikubaĩkãwẽ, akĩ ea Senhor Deusũ ẽ hãtxa txanima ẽ mestẽwaiĩ”, ikaya ẽ hatu yuishuniki, Israelĩ enaburã.

Romanos 12:2

Haska habũ ikũwãbuma natiã mai anu hiwe bestishũ hamapai tibi akĩ xinãmisbu keskakĩ ana xinãma hakia xinã betsa watã haska Deusũ matu hiwemakatsi ikai haska abuai besti tapĩkubaĩkãwẽ. Eska hiweirã, haska Deusũ abumis mã tapĩkubaĩshanaii, pepakinã, Deus benimawai kemutapakinã, kanei hawa txĩtuãmarã.

Hechos 15:9

Nukunã, nũ Jesus ikũwaĩbu Deusũ nukũ huĩti pepawamis keska wakĩ habũri Jesus ikũwaĩbu Deusũ hawa hatu danãma hawa nuku pashkakĩ betsa wama habiaskas xinã hatube nuku waikiki.

Tito 3:5

Nukubũ hawa wakĩ nũ peshunamabia hawẽ nui pepas hawa husiamawẽ nuku mekekĩ piskumaniki, nukũ txakabu txuka keska wakĩ. Nuku ana kaĩ bena wakĩ hawẽ hiwea bena nuku inãniki, hawẽ Yushĩ Pepawenã.

1 Pedro 1:22

Mã ma haskawẽ taea natianã, Deusũ kakape Jesuskiri nĩkatã ha hãtxa txanima txibaĩ mã ma meribi pepabuki. Haskakubaĩkinã, ikũwaĩ betsabube abuname kayabikubaĩkãwẽ. Haskakĩ matũ huĩti hawa txakabu hayama inũ matũ kuxipa hirabiwẽ betsabu merabewai hatuwẽ nui abunamei hatube duanamepakekãwẽ.

Provérbios 20:9

Tsuãra eska yuitirumahairaki: “Ẽ shinã pepaswẽ taea ẽ huĩti merã ẽ hawa txakabu hayamaki”, ikĩ yuikinã.

Salmos 24:4

Habu hikirã, habũ txakabu meisma inũ hatũ shinã pepa besti haya hikitirubuki. Ha inũ, habũ dami yushibubu duawakĩ kẽwaĩsbuma inũ hamapai tibikiri yubakai hamẽ txanitxakaisbuma hikitirubuki.

Colosenses 3:10

Tari bena sawea keska wakĩ matũ hiwea mã ma benawaki. Matũ hiwea ma benawairã, haska Deusũ abumis keska hiweshũbaĩkãwẽ, hatũ matu damiwani keskairã. Haskakĩ itxapa mã hakiri unãshanaii.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

Salmos 73:1

Israelbũ Deus pepahairaki, habu huĩti hawa txakabuuma hatu merabewamisrã.

Santiago 1:8

natiã hatũ hamapaikiri Deus yukabiatã haskas ikũwãkĩ xinãma pena betsatiã ana haskakiri yukaxina ikũwãkĩ mestẽwãmamarã.

Ezequiel 36:37

Ea Senhor Jeová ẽ hatukiri yuiairã, Israelĩ enabũ habũ ea yukai binumakĩ ẽ hatu pehaira washũshanaii. Haburã, txashuwã shukua pamis keska wakĩ yura itxapa ẽ hatu pawakubaĩshanaii.

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ