Salmos 40:3 - Kaxinawá Bíblia (BR)

³ Nukũ mekenika Deus kẽwaĩ ẽ kãtaya ea ana benimahairawakĩ ẽ huiwẽ kãtati bena ea imaimaki. Ẽ haskai dasibitũ ea uĩkĩ nĩkai benimai shinã txãkãkĩ itxapabũ Deus shinaĩ haki txiti ikĩ ikũwaĩmabuki.

Salmos 40:3 Referans Kwoze

Salmos 33:3

Nawati benawẽ kãtai mimawati mawa pehaira wai benima txakayamai kãtakãwẽ.

Apocalipse 14:3

nawati bena nawaibu ẽ nĩkashuki. Deus shanẽ ibu haki tsauti besuuri inũ ha hiweabu dabe inũ dabebũ besuuri inũ, ha 24 mekenikabũ besuuri hawẽ nawati benawẽ ha 144.000 habu ha yurabu anua katukĩ Deusũ hawenabu hatu wani nawaibu uĩkĩ ẽ nĩkashurã, habũ besti ha nawati bena unãkanikiki, tsua betsã ha tapĩtirubumarã.

Hechos 4:4

ha haskaibutiã itxapabũ habũ Pedrõ hãtxa nĩkakĩ kaka pewẽ taeshũ Jesus ikũwãkĩ taewaibu hatu tanakĩ aĩbu tanama hunibu besti 5.000 tananibukiaki.

Salmos 27:5

Shaba betsatiã bika sharabu ẽ teneaya mĩ hiwe merã ea hunekĩ arutã mĩ ea mekekubaĩshanaii. Hanua tsuã ea metirumanu mistutã mĩ ea pashawatiruki.

Salmos 37:23

Senhor Deusũnã, haska betxipaiai keska hau ashunũbũ hawẽ shinã pepa hunibu txibãmamiski.

Salmos 69:3

Ea haska waiwẽ taea ẽ bis itxakayamai ẽ hui menui teris ika ẽ teshu shui ẽ isiaiĩ. Haska nishũ ẽ Deus manahairai ẽ beru txarish shũ uĩbiai ẽ ma babuaii.