Salmos 37:28 - Kaxinawá Bíblia (BR)

²⁸ Senhor Deusũnã, hamapai pepabu betxipaimiski. Habu haki txiti ika txĩtuãbumarã, hawa hatu heneismaki. Hamẽ tsuabura txakabuburã, hatu yamawakẽ hatũ bababuri hayama washãkanikiki.

Salmos 37:28 Referans Kwoze

Provérbios 2:22

Hamẽ habu parananãmisbu inũ hunibu txakabukubaĩmisbu mibã betsea keska wakĩ Senhor Deusũ hatu urẽshanikiki, na mai anu ana hatu hiwemamarã.

Judas 1:1

Tsuabura Epa Deus matuwẽ nuikĩ matu kenatã katuni mã habu Jesus Cristõ matu tsumashũ mekekubainai ẽ Tiagõ betsa Judas Jesus Cristõ tsumapã, ẽ hãtxa ẽ matu bumai uĩrakãwẽ,

1 Pedro 1:5

Matũ xinãwẽ mã Deusũ kakape ikũwãkubainaiwẽ taea Deusũ hawẽ kuxipa paewẽ matu mekekubaĩkĩ haska yubakani hanu bari hawẽ heneaitiã haska matu pewashuni mã unãkubaĩmis ibubis hanu haki nukukĩ mã uĩshãkanaii.

1 João 2:19

Habu tashnirã, nãtekea beama habia nuku anua iki taebaĩkanikiki. Nukube itxabiamisbu Jesus Cristo danaĩ ana nukube itxama haki sinatakanikiki. Hamẽ nukubetã ikũwaĩbunã, nuku pashkabainama itirubuki. Hakia nuku pashkabainaibu uĩkĩ ikũwã kayabiabuma mã shabakabi unãtirubuki.

João 15:9

Eãnã, ẽ matu abuaii, haska ẽ Epã ea abukĩ akai keska wakinã. Haskawẽ taea ea putapakeyamashãkãwẽ, ẽ nui mã hayawẽ taearã.

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

Isaías 61:8

Deusũ hatu yuikĩ: “Yunuti kushipa pepa ea Senhor Deusũ ẽ betxipaimiski. Hakia habu yumetsumisbu inũ yura betsa tenãmisbu danaĩ ẽ hatuki sinatamiski. Ẽ shinã haskawẽ taea enabu habu duawakĩ heneama pewẽ hatu manakukatsi iki ẽ hatube yubakakĩ mestẽwãkĩ ẽ akibi ashanaii.

Salmos 37:40

Tsuabura pepabũ hanira irukatsi benaiburã, Senhor Deusũ hatu merabewakĩ pashawamiski, txakabubube husia hiwebiakẽ hatu kaĩmabaĩkinã.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Salmos 37:25

Ẽ berunãtũ uini inũ natiã mestebukĩ ẽ uĩkubainairã, huni pepabu Senhor Deusũ henebainai ẽ uĩsmaki. Hanua hatũ bakeburi hawa ea iki daketapai mapuaibu ẽ hatu uĩsmahairaki.

Êxodo 20:5

Ha yushĩ betsa betsapa dami tibi anurã, ha bebũ dãti ishũ duawakĩ kẽwãyamakubaĩshãkãwẽ. Matũ mekenika Senhor Deusrã, ẽ eaki, tsuabura enabu washũ hatu mekei ẽ hatu yaushimisrã. Habũ ea danãkĩ dami betsa kẽwaĩbu hatũ ibubũ txakabuwamisbuwẽ taeshũ hatũ bakebu inũ, hatũ bababu inũ, hatũ bababũ bakebu ẽ hatu kupikubaĩshanaii.