Salmos 27:14 - Kaxinawá Bíblia (BR)

¹⁴ Senhor Deuski mestẽtã hawẽ kushipai punu nukama hawẽ shinã betxipaikĩ hawa txĩtuãma haki mestẽkubaĩkãwẽ.

Salmos 27:14 Referans Kwoze

Isaías 40:31

Hakia tsuabura Senhor Deuski txiti ikaburã, ana kushipa bena hayakubaĩkanikiki. Kushikaini hawa punu nukatiruma inũ bai tanabaini hawa babutirubumaki, ixmĩ hawa peshukuama nuyakaunai keskairã.

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Salmos 37:34

Tsuãra Deusũ yunuti nĩkakĩ mã ashuĩ haki txiti ikarã, hatũ matu duawakĩ na mai matu ibu wamakẽ hawa keyuama mã hanu hiwepakeshanaii. Hanua ha txakabui hiwekubainaibu Deusũ hatu kupikĩ yamawai ibubis mã uĩshanaii.

Filipenses 4:13

Hanushũ Cristõ ea kuxipa waya hawẽ taeshũ dasibi teneshũ ẽ akĩ keyushũtiruki.

Habacuque 2:3

Haska nama keskawẽ ẽ mia unãmai hawaira huamabiakẽ hanu huai katutã ẽ yunua txanima hushanikiki. Hakia hawa niti ikama hushanaiwẽ taea manayukubaĩshãwẽ.

Efésios 6:10

Ẽ betsabu inũ ẽ puibuũ, nukũ Shanẽ Ibũ kuxipa paepa mã hayarã, hawẽ kuxipai ewakãwẽ.

Colosenses 1:11

Haska inũ, eska ẽ matu yukashũmiski. Deusũ hawẽ kuxipa paepawẽ hau matu mestẽwanũwẽ. Haska kuxipa mã hayawẽ taeshũ hamapai bika tenebiai kuxipatã hĩ hĩ ikama inũ benimakĩ

Provérbios 20:22

Tsuabũra mia ma txakabuwakẽ “Eã ẽ hatu kupiaii”, iwanã, shinaĩ tsua hãtxatimahairaki. Senhor Deus ikũwãkĩ mĩ manakubainaya Senhor Deusũ mia hatu kupishũkĩ binumashanikiki, mia mekekinã.

Salmos 33:20

Nukubũ nũ Senhor Deus ikũwaĩ nũ haki txiti ikabuki. Hatũ nuku merabewakubaĩmiski, nuku mekesukinã.

Romanos 8:25

Habiaskabiakẽ hawara Deusũ mae nai anu kashũ nũ uĩriama nũ hawẽ nuiama Deusũ hãtxa ikũbestiwakĩ xinã mestẽwãtã nũ manayukubainaii.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

Gênesis 49:18

hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã

Lucas 2:25

habiatiãri huni betsa pepahaira Deus kẽwãkĩ kaneisma hawẽ kena Simeão Jerusalém anu hiweshũ Deusũ Israelbu dasibi ana merabewakĩ hatu pekakĩ akawashanai yubani Simeão manakakubaĩxina hawẽ Yushĩ Pepa haya hatũ merabewakĩ unãmaya

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Efésios 3:16

Deus matu yukashũkinã, hau hawẽ xinã ewapa keyuisma matu anu yunukĩ hawẽ Yushĩ Pepawẽ matu kuxipa wakĩ hau matu mestẽwãmakubainũ ẽ matu ashũkubaĩmiski.

Salmos 40:1

Ẽ bika teneairã, Senhor Deusũ shinã ẽ manamiski. Ẽ kashayabi yukai Senhor Deus parabeketã ea nĩkatã

Lucas 2:38

José inũ Mariaki nukutã hari benimakĩ Deus kẽwãtã haska Deusũ Jerusalémkiri yubani dasibibũ manaibu Anã uĩwãxĩshũ Jesuskiri hatu yuikĩ kaka wakubainikiaki.

Hechos 28:15

Roma anushũ ikũwaĩbũ nũ huai bana nĩkatã bai putxinĩ nukuki nukukatsi beaibũ hanua inãnanãmisbu hawẽ kena Ápio anu nũ hatuki nukua nukube ana bui txĩtũbainaibũ mae betsa hawẽ kena Três Vendas anu ikũwaĩbu betsa beaibukiri nũ hatuki nukuria haibu itxapabu uĩ Paulo benimai xinã txãkãkĩ Deus kẽhairawaya

Salmos 37:7

Hawara Senhor Deus anua mĩ manakairã, hĩ hĩ ikĩ hawa yuiama mĩ shinanẽ besti Deuski txanitã manakubaĩwẽ. Hatũ mia merabewashanikiki. Hakia huni betsa txakabu atimapa akatsi yubakamisburã, haskawẽ hiwekaĩkĩ tsuabura maematirubumaki. Haskawẽ taea hatuki sinatayamakũkaĩwẽ.