Salmos 14:3 - Kaxinawá Bíblia (BR)

³ hakia tsuã Deus benama dasibibu parananã bestimisbuki. Hanishũ huni pepa bestitxai tsuã betxitiru hayamahairaki.

Salmos 14:3 Referans Kwoze

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Isaías 64:6

Dasibi nukuburã, nũ txakabuki, huni hamapai txakabu iruma keskabu Deuski nũ kematirubumarã. Dasibi nũ merabenãmis tibi nukũ aka peparã, tari txakabu nũ detsis keskabuki. Dasibi nukubunã, kanei nũ ma di iki keyuabuki, ni pei shanai niri imis keskairã. Sinatakĩ nũ yurabu txakabuwamisrã, ha txakabunã, niwẽ nuku buawamiski, sharabaĩkinã.

Romanos 3:23

Ha inũ, yura dasibibũ txakabuwakubaĩmisbuwẽ taea haskatã ibubis Deus pepaki nũ tsua kematirubumaki, kanei hiwei peisbumawẽ taearã.

Salmos 14:1

Huni unaĩsma patapabũ Deuskiri shinãkĩ yuikĩ: “Deus hayamaki”, imisbuki. Haburã, parananaĩ atimapai hiweabuki. Tsua betsã hatũmebi hawa pepa wamis hayamaki!

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Ezequiel 36:25

Ũpash kayabi beshnahairawẽ matũ beya betsa betsapa detsis keska ẽ matu txukashanaii, mã yushibu dami kẽwaĩ mã atimapamis tibi matu tere akĩ keyukinã.

Jeremias 2:13

Israelĩ enabu ẽ hatu ibuwabiani itxapahairaki txakabui keshtunibuki. Ẽ hatũ hiwemati txatxa ũpash keskabiakẽ ea henebainibuki. Haskakĩ hatumebi mishki pukĩtã ũpash aruti keska wabia ibubis pesetã hani ana ũpash matati hayama keskai yushibubu kushipa hayama dami watã txibãkubainibuki.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

1 Coríntios 6:5

Ha inũ, Jesus ikũwaĩbu ha ikaibu hau ikũwãbumã unãti wanũbũ mã yunumisbuwẽ taeshũ ẽ matu dakewaii, haskatimabiakenã. Matuburã, matu anua unãnepa betsa mã hayamamẽ, haska matu pewatirã? Mã hayariki.

Êxodo 12:30

Haskaibũ meshu merã Faraó inũ hawẽ merabewanika shanẽ ibubu dasibibu inũ Egito nawabu dasibi bestẽtã butubaũ hiwe tibi anua mawaibuwẽ taea bis bis iki keyubauni kasha txakayamaibũ

Êxodo 8:31

haska Moisĩ yukashuna nĩkatã Faraó anua inũ hawẽ merabewanika shanẽ ibubu anua inũ hawenabu dasibi anua Senhor Deusũ txupe dasibi hatu kaĩmakĩ keyushũbia ana txupe hayama