Salmos 115:12 - Kaxinawá Bíblia (BR)

¹² Senhor Deus nuku hakimama nuku shinãkubainikiki. Nuku duawakĩ nuku pepawakubainikiki. Nũ Israelĩ enabu duawakĩ nuku pepawakubainikiki. Habu Deusbe nuku hãtxashunikabu duawakĩ hatu pepawakubainikiki.

Salmos 115:12 Referans Kwoze

Efésios 1:3

Nukũ Shanẽ Ibu Jesus Cristõ Epa Deus kẽwãkubainãkãwẽ, Deusũ bake Cristo nũ ikũwaĩbuwẽ taeshũ naiurishũ hawẽ pepawẽ nuku manakukĩ Deusũ hawẽ bakewẽ hamapai tibi pepa nũ uĩaĩ inũ nũ uĩyama hawẽ xinã txãkãmati yushĩ nuku inãkubainaiwẽ taeshunã.

Isaías 44:21

“Mã Israel Jacó enabuũ, mã ẽ tsumabunã, ea shinãkãwẽ. Ẽ matu dami wani mã ẽ tsumabuki. Israelbuũ, ea hakimakĩ ea putayamakãwẽ.

Gálatas 3:29

Mã Cristonaburã, habia mã Abraãonẽ bababu dikabiwẽ taea haska Deusũ Abraão yubaniwẽ maturi hawenabui mã hiwea kayabi hayariashanaii.

Salmos 67:7

Deusũ hau nuku duawakubainũwẽ! Mai hirabi anu hiwebaunabũ hau pepawakĩ ha besti duawakĩ kẽwãkubainũbũwẽ!

Gálatas 3:14

Haskawẽ taeshũ haska Deusũ Abraão duawakĩ pepa yubani Jesus Cristowẽ taeshũ judeubumãri mã ikũwãyã Deusũ Abraão yubaniwẽ taeshũ hawẽ Yushĩ Pepa Deusũ ma matu inãni dasibi mã ma hayaki.

Gênesis 8:1

Hanua Noé inũ yuinaka betsa betsapa sharabu shashu nunuti merã Noébe hiweyuabũ Deusũ hatu shinãkĩ hene tsusĩ wãkĩ taewakĩ niwe shũku imaya hene netsui taekainaya

Hechos 3:26

Haskawẽ taeshũ Deusũ hawẽ bake bestẽwaĩmashũ mã hawenabu dukũ matukiri pe xinãkĩ matu duawakĩ taewaikiki, matũ txakabu henetã mã xinã betsa wanũbunã— hatu wai

Hechos 10:4

hakiri besushũ uĩ datehairakĩ yukakĩ: —Shanẽ ibuũ, hawamẽ?— aka hanushũ nai tsumã yuikĩ: —Deus kẽwãkĩ mĩ dayuimis inũ haska dasibi nuitapai hawa hayabuma mĩ hatu merabewamis Deusũ nĩkatã ma miwẽ benimaikiki. Haskawẽ taeshũ mia yuinũ nĩkawe.

Números 6:27

haska wakĩ habũ ẽ kena Senhor Deus yuikĩ Israelĩ enabu hatu pekiri yuiaya ea ẽ Senhor Deusũ ẽ hatu duawakubaĩshanaii”, haska ẽ hatu washanai ea hatu yuishũkubaĩwẽ— anikiaki.