Rute 3:13 - Kaxinawá Bíblia (BR)

^13-14 Ikis na habia meshu merã habianu iyuwe. Meshukiri ha huni mĩ benẽ enabi ea binuatũ nukũ beya keska txibãkĩ mia mekekatsis iki hau mia ashũshanũwẽ. Hakia mia akamakẽ Senhor Deusũ ea nĩkaya ẽ mia yubaii. Habianu ushayuwe, penariama katãshunã, hau aĩbu nenu mĩ hushu hau tsuã unãyamanũbunã— aka haska yuia ha meshu merã Boazĩ tae dapi Rute ushashini penai shabakiranaya bestẽtã

Rute 3:13 Referans Kwoze

Rute 4:5

Boazĩ shabakabi banabimakĩ yuikĩ: —Na haskarã, tapĩkĩ shinãwẽ, ikisrã. Noemĩ bai mĩ biairã, Elimelequẽ bake Malom ma mawaimakẽ mĩ huni bake washuã kaiã ewatã ha bai hawena ishanaiwẽ taeshũ ha baiyabi Moabe nawa Rute mĩ bishũriatiruki, aĩwãkinã— aka

Rute 2:20

benimakĩ Noemĩ kemakĩ yuikĩ: —Nukunabu mawariabuma merabewani inũ nũ hiweriayuabu Senhor Deus pepatũ nuku merabewamiswẽ taeshũ ẽ kẽhairawaii. Boazrã, ẽ benẽ enabi kayabiki, merabewakĩ hau nuku mekenũwẽ, nukũ beya txibãkinã— aka

Hebreus 6:16

Ha inũ, nukunabu yubakakatsi xinaĩ: “Hawara ẽ hatube yubakai ẽ akamakẽ haratura kuxipatũ hau ea haskara washanũwẽ”, iki tsuara kuxipaki mesei yubakamisbuki. Hanua haskakiri yubakaimawẽ taea ana xinã betsakĩ ana tsuã yuba betsa wakĩ maewatirumaki, hawẽ taea haa ikirã.

2 Coríntios 1:23

Haskakẽ matu dake tenemakatsi ikama haskai mã Corinto anuabu ẽ kariama hau nukũ Epa Deusũ matu shabakabi unãmanũwẽ, ẽ txanitxakama ea unaĩkikirã.

Rute 3:12

Txanima ẽ minabuki. Hakia minabu kayabi betsã ea binua mĩ bene kayabi hayariki.

Rute 4:6

haska wa nĩkatã kemakĩ yuikĩ: —Haska mĩ ea yuiayarã, ẽ bitirumaki. Ẽ epa mawakĩ hawena ea heneshũbaĩshanai ẽ benukĩ itimaska wakatsis ikamaki. Hawara ẽ itirubia ẽ mia heneshunai miã Elimelequẽ bake Malomnẽ bai inũ hawẽ aĩ miã bishãwẽ, aĩwãkinã— aka