Romanos 6:6 - Kaxinawá Bíblia (BR)

⁶ Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.

Kashinawa : Diosun Jesúswen taexun yuba bena yiniki

⁶ Ja dukun nun jawen jiwechakani xeni Cristobe cruzki netantan nun jabe mawani keskaki. Nun jaskaya nukun shinan xeni Diosun nuku betsa wamaken chakabun nuku bexetan jawen tsumawakin ana nuku yunutidumaki.

Romanos 6:6 Referans Kwoze

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Gálatas 5:24

Hakia Jesus Cristo cruzki mastabu mawani keska wakĩ nũ Jesus ikũwaĩbu nukũ txakabu itxawatã Jesusbe cruzki nuku mastashunibu keskaki, ana txakabu nũ meyamanunã.

Gálatas 6:14

Hanua tsuabũra hau Deusũ ea duawanũ, iwanã, hatũ hina kubitxi meshtekinã hamẽ akanikiki. Haska inũ, tsuabũra meshteama hamẽri ikanikiki. Hakia nukurã, Deus duawanũ ika xinã betsa watã besti Deus nũ benimawakubainaii. Jesus ea mawashuniwẽ taeshũ xinã benawatã: “Mabu itxapa besti binũ”, iwanã, ana ẽ xinãmakẽ txakabũ ea ana atxiamariki. Haskakẽ keãma nukũ Shanẽ Ibu Jesus Cristo hi cruzkia mawashũ hawara ea ashunikiri besti yuikubaĩkĩ Deus ẽ kẽwaiĩ. Ẽ hawauma iniwẽ taea ẽ hawa kẽtirumaki. Hakia Jesuswẽ taea besti ẽ kẽtiruki.

Colosenses 3:5

Haskakẽ na mai anua matũ kemurã, tenãkĩ akawarikãwẽ, eska tibi Deusũ nemani heneirã. Ana aĩbu betsa tibiwẽ kemuama inũ, ana hamapai tibibe txutanamebaunama inũ, hawara kemu atimapa betsa betsapa mã akatsis ikai inũ, ana pei inũ mabu betsa itxawanũ, iwanã, yauxikĩ kẽwãti betsa keska wakĩ pei inũ mabuwẽ kemukĩ kẽwãyamakubaĩkãwẽ.

Romanos 6:22

Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

Romanos 6:12

Haskakẽ matũ xinã txakabu kemuwẽ hau matu tsumashũ hamapai betsa betsapa txakabuwẽ hau ana matu niniyamanũ nemakubaĩkãwẽ, ana ha uĩ mã kemuai txibãmarã.

2 Reis 5:17

hawa biama Naamãnẽ unãtã ana yuikĩ: —Haskawẽ taeshũ yushibubu kẽwãkĩ mabuwẽ duawakĩ inabu ẽ ana kuakĩ menukĩ keyuama ishanaii. Mĩ mekenika Senhor Deus besti kẽwãkĩ inabu kuakĩ ẽ menukĩ keyukubainaiwẽ taeshũ Israelĩ enabũ mai pakea anua saku ewapa dabe inũ dabe mai mata washũ mula dabeki dũtãrabetã ẽ mae anu butãpa? Hi bau watã ha mai mãtxiã anu haki dãti ika beti ishũ Senhor Deus besti ẽ kẽwãkubaĩshanaii.

Romanos 7:14

Deus anua yunuti yusĩa pepa Moisés hatu yusĩbianikẽ Cristõ kuxipa xinãma babukĩ Deusũ hãtxa ẽ txibãmaki. Ẽ haskaya txakabũ ea atxikĩ tsumashũ ea yabumiski.

2 Coríntios 5:14

Cristo nuikipatũ nũ hawẽ kuxipayabu nuku ma mestẽwanishũ nuku txishukubainikiki. Dasibibuwẽ taea huni bestitxai nuku mawashuni ikũwãnishũ nũ unaiĩ. Habiaskariai habũ ikũwãshanaibu itxapaburi habe mawanibu keskaki.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.