Romanos 6:22 - Kaxinawá Bíblia (BR)

²² Hakia txakabũ matu tsuma wapauni mã ma heneima hakia natianã, bai pepa betxitã hawama Deus besti mã dayashũkũkaĩkatsis ikaii. Haskakẽ na haska pepa Deus mã dayashunairã, hiwekuĩa pepa mã itxawaii, natiã mã hawẽ meribi hiwekũkainai inũ atimas hawẽ henekĩ hiwekuĩa hawẽ manakukĩ Deusũ matu inãshanikiki.

Kashinawa : Diosun Jesúswen taexun yuba bena yiniki

²² Jakia chakabun matu tsuma wapauni man ma jeneima jakia natianan, bai pepa bechitan jawama Dios besti man dayaxunkunkainkatsis ikaii. Jaskaken na jaska pepa Dios man dayaxunaidan, jiwekuian pepa man ichawaii, natian man jawen medibi jiwekunkainai inun atimas jawen jenekin jiwekuianwen jawen manakukin Diosun matu inanxanikiki.

Romanos 6:22 Referans Kwoze

1 Pedro 2:16

Ha inũ, Deusũ kupiti Jesusũ txanima ma matu binumaniki. Haskawẽ taeshũ: “Ẽ ma kupiti hayamaki”, itã matũmebi ana txakabu unãti wamanũ ika ana haska xinãyamakubaĩkãwẽ, ana Deusũ kupitiki dateama hawẽ tsumabu pepa besti ikubainirã.

Romanos 8:2

Jesus Cristo mã ikũwaĩwẽ taeshũ Deusũ yunua benawẽ hawẽ Yushĩ Pepatũ matu ma mekeikiki. Haskawẽ taeshũ matu tibitũ matũ xinã txakabu tashnimatã mã ma xinã betsabunã, haskawẽ taeshũ Satanásã hatũ mawa kayabi anu matu yunukatsis ikai Yushĩ Pepatũ nematã matu mekeshanikiki, hiwekuĩmakinã.

Gálatas 5:13

Ẽ betsabu inũ ẽ puibuũ, mã judeubũ beyauma hawama mã hiwekubainũbũ Deusũ matu katuniki. Haskai hiwekĩ matũ yura meke txakabuwama nukunabube duanamei hatube nui merabenamekubaĩkãwẽ.

1 Coríntios 7:22

Haska huni betsã escravo dayaru mã ibianikẽ nukũ Shanẽ Ibũ matu katushũ matũ txakabu buakĩ matu haibuwaiwẽ taea escravobia Jesus mã ikũwaĩwẽ taea mã yurã escravoma keskaki. Hakia mĩ tsuã escravo dayarumabia Jesusũ mia katutã yunuawẽ taea matũ xinãwẽ mã hawẽ escravo dayaruki, Cristonarã.

1 Pedro 1:9

Haska Jesus Cristo xinãkĩ mã ikũwaĩ Deusũ kupitiwẽ yurabu kupiaya matũ binui mã pashashanai mã hari xinaiĩ.

Gálatas 1:10

Matũmebi xinã pewakãwẽ. Tsua ẽ benimawaimẽkainã? Ea ikirã, yurabu ẽ datã akĩ kẽwãmakatsi ikamaki. Hakia Deus besti datã akĩ ẽ hatu kẽwãmakatsis ikaii, yurabũ hau ea kẽwãnũ hatu abumairã. Haska abuaibu keska ẽ hatubetã pewakeanaii. Hatubetã haska akirã, ẽ Cristõ tsuma ikeanamaki.

Romanos 6:14

Mã Cristo ikũwãyã Deusũ matu pepawaiwẽ taeshũ txakabũ matu ana beshetã tsumatirumaki. Haska inũ, Deus duawanũ, iwanã, hawẽ yunuti inũ hawẽ nemati Deusũ Moisés yusĩniwẽ matu ana mekeamaki. Hakia Deus duapatũ matu ma mekeikiki, mã hawẽ daya akaiburã.

Isaías 54:17

Hakia miarã, piawẽ mia yamawatirubu hawa hayamaki. Habũ mikiri hawara yuikĩ txiteaibu hamẽki. Na ẽ hãtxa ẽ matu inainã, tsuabũra ea ikũwãkĩ txibaĩbu eã ẽ matu binumakĩ maemama ewẽ taeshũ matũ pepa mã bishanaii”, iki Senhor Deus hãtxakĩ mestẽwaĩkiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Romanos 7:4

Mã ebetã Jesus txibaĩbu, ẽ betsabu inũ ẽ puibuũ, maturã, mã haska keskaki. Matu yuinũ nĩkakãwẽ. Deusũ bake mawa ana bestẽwani haki dasi mã habe mawani keskaburiki, ana hawẽ yunuti inũ nematiwẽ matu tsumamarã. Hakia hawenabukĩ hamapai Deusũ abuai hawẽ daya ashũkĩ mã benimawa bestikatsis ikaii.

Romanos 6:21

Hawẽ haskati mã ikũkainimamẽ? Ha txakabũ yurabu hatu debuwamis hawẽ benuti bai mã txibãkubainimarã, natiã xinã betsa watã mã hawẽ dakeaii.

Mateus 25:46

Hanushũ ha yura txakabubu hatu kupikĩ txi merã hatu yumãwãkĩ enabu pepabu besti hatũ pepawẽ manakukĩ ebe ẽ hatu hiwekuĩmashanaii, ikibi imakinã— nuku waniki.

Daniel 3:26

hãtxakĩ yuikubaini kai, hanu karu kuamisbu kini kesha anu kemashũ hui kushipawẽ hatu kenakĩ: —Sadraque inũ, Mesaque inũ, Abede-Nego Deus dasibi binuatũ tsumabuũ, tashnibirani nenu eanu bekãwẽ— hatu wa, txi here anua ha dabe inũ besti mapekei kaĩbiranaibũ

Tito 1:1

Titoõ, ẽ mia kene bumai uĩrawe. Ea ẽ Paulorã, Deusũ hawẽ tsuma ea wakĩ Jesus Cristõ kuxipaya ea waniki. Habiatũri ea yunukĩ tsuabura hakiri txanima hãtxa nũ hatu ikũwãmashanai habu Deusũ katuni habũ hau tapĩkĩ hau unãti wakubaĩwashanũbũ haska besti txibãtikiri ẽ mia yuiaii.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Filipenses 4:17

Haskakẽ pei ẽ matu ea akamabia mã ea merabewamiswẽ taeshũ matũ pepa Deusũ hau matukiri ana xinãshanũ haska ẽ matukiri xinaiĩ.

Filipenses 1:11

Ha dikabi matu mã hatu bebushunaibunã, Jesus Cristowẽ taeshũ hawara pepa mã akai tsuabũra uĩkĩ Epa Deus duawakĩ kẽwãshãkanikiki.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

2 Coríntios 3:17

Hanua nukũ Shanẽ Ibu inũ hawẽ Yushĩ Pepatũ habiaskas xinaĩbũ hawẽ Yushĩ Pepatũ nuku mekeaya txakabũ nuku ana tsumama inũ pepanũ, iwanã, hawẽ yunuti inũ hawẽ nemati Deusũ Moisés yusĩniwẽ nuku ana bikawatirumaki.

João 15:16

Mã ea katuama eã ẽ matu katuniki. Haskawẽ taeshũ ẽ matu yunuaii. Kashũ hatu yusĩkĩ mã bimi itxapa wai keska wakĩ ẽ tsumabu hatu wakĩ hau txĩtũyamanũbũ hatu kuxipa wakubaĩshãkãwẽ. Haska wakĩ ẽ kenayashũ Epa Deus hamapai tibi mã yuka matu ashũshanikiki.

João 15:2

Hatiri mebi tibi bimi hayamakẽ meshteshũ putamiski. Hakia hawẽ mebi tibi bimiyamis ana bimihaira wakĩ hawẽ ibuã bumeshtekĩ pewamiski, hau ana katakutã bimihairanunã. Ea ikũwaĩbu ẽ Epa Deusũ habiaskari washanikiki.

João 4:36

Tsuabũra hatu itxawakĩ hawẽ manakuti pepa bikanikiki, hatũ hiwea ikibi ika bikinã. Haskakẽ tsuabũra mibã bana bimi huxiaĩ hatu tseka keska waiburã, haburi benimakanikiki.

Mateus 19:29

Haska inũ, tsuabũra ea txibãkĩ Deusũ hãtxa kakape yusĩtanũ ishũ dasibi hatũ hiwe henekĩ hatũ betsabu inũ hatũ puibu shunũbaĩkĩ hatũ ibubu shunũkĩ hatũ bakebu baxikĩ hatũ bai henekĩ keyubaĩ yusĩkubaĩmisbuwẽ taeshũ na habiatiã Deusũ ana hatu manakukĩ duawamisshũ haska uatiã hiwexinawẽma Deusũ pepawẽ hatu manakuhairakĩ haska tanatirubuma hatu itxawamakubaĩxĩshũ hanu ma bari keyuaitiã hiwea kayabi hatu inãshanikiki.

Mateus 13:43

Hakia habũ Deusũ hãtxa pepa nĩkakubaĩmisburã, ẽ hatu katua hanu ẽ Epã hiwe anu nukube hiwei bari keskai txashai ikibi ishãkanikiki. Mã pabĩkiyabunã, nĩkatã hakimayamakãwẽ— iwanã,

Mateus 13:40

Hamẽ ha mibã txakabu meshtekĩ itxawarã, mai hirabi anushũ yurabũ txakabuwakubaĩmisbu inũ yura betsabũ hawa unãma habũ yusĩkĩ hatu dasibi itxakawamisburã, ea ẽ matũ Hutxi Kayabi Iuwatũ ẽ nai tsumabu ẽ hatu yunua habũ ha yura txakabu itxawashũ

Jó 1:8

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki— aka

Números 23:10

Ha Israel yurabu mai mishpu keska tsuã tanatirumẽ? Hatiburã, tsuã unãtirumẽ? Pepabu unanuma mawamisbu keska eari ẽ mawakatsis ikaii. Habu debumisbu keska eari ẽ debukatsis ikaii, hawa dateamarã”— akĩ hari Senhor Deusũ yuishu Balaão hatu yuia

Gênesis 50:17

nukũ epã hãtxa ana mia shabakabi yuipa? akĩ eska mia yuikãshuki. ‘Mĩ betsabũ mia nuitapawakĩ mia itxakawanirã, hatuwẽ nuikĩ hatũ txakabukiri ẽ mia yuiai ana shinãyamashãwẽ’, akĩ Jacó nuku mia yuishunimawẽ taeshũ txanima nũ mia itxakawabianikẽ nũ mia yukai nukũ txakabu ana shinãyamawe, nũ mĩ epã mekenika Deusũ tsumabukirã”, ikãshu haska yuiabu José nĩkatã hatuwẽ nui kashaya

Apocalipse 7:13

hanushũ mekenika betsã ea yukakĩ: “Na tari hushupa saweaburã, tsuabumẽ? Hania beabumẽ?” ea wa

Santiago 1:1

Matu Israelĩ 12 huni bakebũ hatũ bababũ mã Jesus Cristo ikũwaĩbu mai hirabi anu mã sa ini manibaunabu ẽ Tiagõ, Deus inũ nukũ Shanẽ Ibu Jesus Cristõ tsumapã ẽ matu kene bumai uĩrakãwẽ.

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Colosenses 4:12

Haska inũ, Jesus Cristõ tsuma betsa nukũ haibu Epafras matube hiwemisrã, matuwẽ nuikĩ matukiri xinãkĩ Deus matu yukashũkĩ heneama ikũkanikiki, hau txakabuuma mã hiweshũ mestẽtã haska Deusũ abuai dasibi haska xinaĩ keska mã ashuĩ hiwekubainũbũ matukiri xinaĩnã.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.