Romanos 5:1 - Kaxinawá Bíblia (BR)

¹ Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Kashinawa : Diosun Jesúswen taexun yuba bena yiniki

¹ Jawen jancha nun ikunwainwen taexun Diosun nuku pepa wakin shinankubainikiki. Nukun Xanen Ibu Jesucriston Diosbe nuku jaibunamemaya unanuma jiwei nun benimakunkainaii.

Romanos 5:1 Referans Kwoze

Isaías 32:17

Hawẽ yunuti kushipa pepa beneirã, hawa hawẽ datetima unanuma hiweti ipakeshanikiki.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

João 16:33

Ea haibuwai eki dasia mã dateama unãnuma hiweshanũ na hãtxa ẽ matu yuishuki. Mai anushũ ea ikũwãbumã matu itxakawariaibũ dateyamashãkãwẽ, ẽ ma hatu maemakĩ binuniwẽ taearã— nuku watã

Colosenses 1:20

Haska inũ, Jesus cruzkia mawai hawẽ himi nuku habashuniwẽ taeshũ nukũ txakabu Deusũ buashũ hakimakĩ nuku hakimawatã ana nukuki sinatakatsi ikama Deus nuku daewamakĩ hawẽ haibuaibu nuku wamatã hiweabu mai hirabi anu inũ nai anu Cristoki dasitã hanus nuku shukuwakatsi Deusũ hatu dasibi pewakĩ keyukĩ daewanikiaki, yurabu inũ yurabumarã.

Romanos 6:23

Haskakẽ tsuabũra txakabuwakubaĩmisbu hatũ kupitirã, Deusũ meketi hayama mawa kayabi bishãkanikiki. Hakia nukũ Shanẽ Ibu Jesus Cristo nũ ikũwaĩ nũ haki dasikẽ hawẽ taeshũ Deusũ nukũ hiwekuĩti pepa inã nukũ Shanẽ Ibube dasitã nũ habe hiwei ikibi ishanaii.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

João 14:27

Ẽ hãtxawẽ datei matũ huĩti nixmayamakãwẽ. Deusũ unãnuma hawẽ uke meranu unãnumati ẽ matu inaiĩ. Haska yurabu hatũ xinãwẽ hiwekĩ unãnumai hiwemisbu keska matu inãma hakia Deus anua daewanika kayabi unãnuma ẽ matuki baxiaii.

Romanos 4:5

Hamẽ, tsuabũra Deus duawanũ, iwanã, hatũ huĩti merã Deus ikũwaĩbu Deusũ hatũ aka pepawẽ hatu pepa wama hakia hatuwẽ nuikĩ yurabũ hatũ xinã betsa wawẽ taeshũ hatũ xinã txakabu hatu buashũtã: “Ha yura pepabuki”, akĩ haskawẽ Deusũ hatukiri xinãkubaĩmiski.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

Isaías 54:13

Hanushũ eanã, mĩ bakebu dasibi ẽ tapĩmashanaii. Habu dasibirã, benimai hawẽruai unanuma hiweshãkanikiki.

Romanos 15:33

Deusũ hau matu unãnuma hiwemanũ haska ẽ matukiri xinaiĩ, haskakirã.

Hechos 10:36

Hamẽ dasibibũ Shanẽ Ibu Jesus Cristõnã, Israelbu anu dukũ hau habu yusĩnũ Deusũ yununiki. Hanushũ tsuabũra hawẽ hãtxawẽ unãnuma hiwetirubukiri Jesus hushũ hatu yusĩkubaĩyamaki.

Filipenses 3:9

haki nukutã haki dasirã. Haska inũ, Moisés hãtxa txibaĩ hawẽ nuku ibubis nũ pepahairakũkaĩkatsis ikaiwẽ en dayamiswẽ ea akama Cristo ewẽ nui eki nukutã ea xinã betsa wama ẽ ikũwãniwẽ taeshũ Deusũ hawena ea wakĩ ẽ txakabu ea buashunikẽ Jesus besti ẽ txibãkubainaii.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

Romanos 5:18

Haskakẽ huni bestitxai Adãonẽ txakabuwanirã, hawẽ taea hatũ kupitiwẽ hau mawakubaĩshanũbũ yura dasibibu Deusũ hatu yupuniki. Habiaskari wakĩ huni bestitxai hawa kaneismatũ nukũ kupiti nuku bishũriai mawaniwẽ taeshũ yura dasibibũ nũ ha ikũwaĩbu Deusũ nuku pepawatã habe niti akama nuku hiwekuĩmashanikiki.

Lucas 19:42

yuikĩ: —Hawẽ Deus daewati mã ea unãyã matu kupiama ikeãshãkanikiki. Hakia natiã ikũwãbumawẽ taeshũ hunea keskakẽ xinãkĩ mã ana uĩtirubumaki. Mã peirawa!

Lucas 19:38

yuibaĩkĩ: —Aitxu! Aitxu! Ha Shanẽ Ibu Deusũ kena kuxipaya huairã, benimakĩ kẽwanãkãwẽ. Naiuria unãnuma hiwea inũ kuxipa binu keyua unãkĩ hau kẽwãnũbũwẽ— ikubainaibũ

Isaías 55:12

Nenu Babilônia anu mã Israelbu benibu ana matũ mae anu txĩtũbaini benimabaini bui matũ mai pakea anu unanuma mã hikishãkanaii. Mã haskabainaibu matu uĩtã mati matipa inũ mawa tibi matuwẽ benimai kãtaibũ ni shukuabũ matu uĩtã matuwẽri benimakĩ mekẽ paush paush akai keskai bubi bubi ishãkanikiki.

Gálatas 2:16

Habiaskabiakẽ Moisés yunuti inũ hawẽ nemati txibaĩbuwẽ taeama tsuabũra Jesus Cristo ikũwaĩbuwẽ taeshũ Deusũ hatũ txakabu buatã ana xinãma nũ unaiĩ. Nukũri judeubũ beya nũ txibaĩwẽ taeama Jesus nũ ikũwãyã nukũ txakabu Deusũ buashũ nuku ma pepawani nũ unãriaii. Jesus haibuwama judeubũ beya besti txibaĩbũ tsuabũra txakabuwai Deusũ buashũkĩ pepa waismaki.

Romanos 10:10

Hanushũ Jesus txibãkĩ matũ huĩti merã ikũwãkĩ xinaĩ Deusũ matu ma pepawaya dateama haska shabakabi tashnimakĩ yuikĩ: “Txanima kayabi Jesus Cristõ ẽ txakabu buaniwẽ taea ẽ Shanẽ Ibuki”, ikaibu Deusũ matu hawenabu wakĩ niti akama habe matu hiwemariashanikiki.

Romanos 1:17

Haska inũ, hawẽ hãtxa yuishunikatũ Deusũ kakapekiri kenekĩ yuikĩ: “Tsuabũra Deusũ hãtxa ikũwãkĩ txibaĩwẽ taea pepai hiweshãkanikiki”, aniki. Haskawẽ taeshũ hawẽ bakekiri kakape Deusũ hawẽ hatu mekekĩ hatũ txakabu buanishũ ha besti ikũwaĩbu hatu pashawashanikiki.

Habacuque 2:4

Eska hatukiri kenewe. Huni txakabuburã, keĩ hiwemisbuki. Hakia huni pepabu hiweirã, Deusũ hãtxa ikũwaĩ txĩtuãma unanuma hiwekubaĩmisbuki.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Efésios 2:7

Haska wanũbarikatsi hawẽ pepa nuku unãmakatsi ikinã, Jesus Cristowẽ taea nukuwẽ nui kai nuku ashuniki.

Gálatas 3:25

Hakia natiã nũ Jesus ikũwaĩbu habias yunuti inũ nematiwẽ nuku ana tsumamakẽ

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.

Romanos 9:30

Haskakẽ Deusũ yunuti judeubumã txibãkĩ Deusũ pashati benamabia habũ Jesus Cristo hatũ xinãnẽ besti ikũwaĩbu hatũ txakabu Deusũ ma hatu buashũtã ana hatukiri txakabu xinãma ikũkainikiki.

Lucas 2:14

“Mai anushũ tsuabũra habũ Deus txibãkĩ duawamisbu Deus kuxipahairatũ hau hatu unãnuma hiwemanũwẽ. Haskakẽ dasibibũ Deus kuxipa nai anua hau kẽwãrianũbũwẽ”, hatu watã

João 5:24

Txanima ẽ matu yuikubainaii. Tsuãra ea nĩka pewai hawẽ hiwea txakabukiri kai beshteketã hatũ ea yununiri ikũwaĩ hiwekuĩkanikiki, ikisrã. Bikawẽ unãti wama mawa kayabi tenemama hiwekuĩaĩbu txakabuwẽ nũ kupiama ishanaii.

Romanos 5:11

Natiã nukũ Shanẽ Ibu Jesus Cristõ hawẽ Epa Deus hatũ nuku haibu wamakĩ daewamani unãnuma hiwekĩ txanima hawẽ taeshũ benimakĩ Deus nũ kẽwãkubainaii.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,