Romanos 3:9 - Kaxinawá Bíblia (BR)

⁹ Haskakẽkaĩ nukubu judeubunã, Deus benimawakĩ habu judeubuma nũ binuamẽ? Nũ haskamahairaki. Txakabuwakĩ nũ judeubu inũ matu judeubumã nũ hamapai kemu paewẽ txakabukĩ nuku dasibibũ hatu uĩmatxakakĩ nũ kanemisbuki, txakabũ nuku tsumawẽ taerã.

Kashinawa : Diosun Jesúswen taexun yuba bena yiniki

⁹ Jaskakenkain nukubu judiobunan, ¿Dios benimawakin jabu judiobuma nun binuamen? Nun jaskamajaidaki. Chakabuwakin nun judiobu inun matu judiobuman nun jamapai kemu paewen chakabukin nuku dasibibun jatu uinmachakakin nun kanemisbuki, chakabun nuku tsumawen taedan.

Romanos 3:9 Referans Kwoze

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Romanos 6:15

Haskai hariri hãtxamisbumẽ? eska yuirã: “Haskakenã, Deusũ nukũ shenipabu hawẽ hãtxa yusĩnitũ nuku ana tsumama hakia hawẽ bake nũ ikũwaĩwẽ taeshũ nuku duawakĩ nukũ txakabu buashanairã, nũ txakabuwairã, hawamaki. Hamapai txakabu betsa betsapa anãkãwẽ”, iki mã yuinamemisrã, haskatimahairaki. Matu yusĩnũ nĩkakãwẽ.

Isaías 65:5

Na enabu pepamabia mapubaũkĩ hatu yuikĩ: ‘Earã, ẽ meribihaira Deusunaki. Neri eki kematã ea mekĩ metsayamakãwẽ’, ibiairã, ha huniburã, txi ketiãbu bari txaitanai hi ikĩ hawẽ kuĩwẽ ea detxeshãwãmis keskabuki”, itã

Romanos 11:32

Dasibi yurabu txakabubiakẽ Deusrã, dasibiwẽ nuikĩ hanu hawẽ nui hatu shabakabi uĩmakatsis ikikiki, tsuara Israelbu inũ tsuara Israelbumakiri hawa xinãmarã.

Romanos 3:19

Haskakẽ Moisés inũ Deusũ hãtxa yuishunikabũ yusĩni unãhairabianibu: “Mã pepaki”, akĩ Deusũ hatu haskakiri xinãkĩ yuiamaki. Hakia haska yura dasibi mai hirabi anuabũ txakabuwakĩ nũ kanemis nuku unãti washanai dasibibu Deus bebunua nũ hawa hãtxatirumaki.

Filipenses 1:18

Haskaibuwẽ taearã, earã, ẽ hatuwẽ nui ẽ hatuki sinatamaki, xinã pepawẽ txaniaibu kasmai xinã pe mirĩwẽ Cristokiri kakape txaniaiburã. Haskabaũkĩ ea benimawakanikiki. Ẽ benima keyuriamarã,

Gálatas 3:10

Hanushũ Deusũ hãtxakiri hawenabu Moisés yuikĩ: “Hawẽ yunuti inũ hawẽ nemati ẽ matu keneshunai tsuabũra dasibi txibãhairabumakẽ Deusũ hatu yupukĩ pe hiwemama ishanikiki”, haska watã hatu keneshuniwẽ taea txibãmabia hatũmebi pepapaikĩ hawẽ yunuti inũ hawẽ nemati txibãpaikĩ pewabumakẽ Deus hatuki sinatamakĩ yupushanikiki.

1 Coríntios 14:15

Haskakenã, haskashãpa? Ẽ daka eskati. Deus kẽwãkĩ ẽ yushĩwẽ inũ ẽ xinãnẽri ẽ akaii. Haska inũ, Deus kẽwaĩ nawai ẽ yushĩwẽ inũ ẽ xinãnẽri ẽ iriaii.

1 Coríntios 10:19

Hakia yushĩ dami betsa kẽwaĩnã, dami hawauma inũ hawẽ kẽwãti piti hawauma nũ unaiĩ, nukubunã. Hakia habũ xinãnẽ ha yushĩ dami kẽwaĩburã, unãma haska xinaĩburã, hayaki.

1 Coríntios 4:7

Matũmebi xinã txakakĩ: “Ikũwaĩbu betsabu nũ hatu binuaki”, ikĩ mã kaneaii. Mã tsua binuamawẽ taea haskayamakubaĩkãwẽ.

Romanos 11:7

Haskakẽ Israelbu pepatirubu mirimabũ tapĩpaibiabu kanei huĩti kuxikĩ unãbuma Deusũ hãtxa hawẽ hiwekaĩti biama inibuki. Haskabiaibũ hatiri Deusũ katuabũ habũ hatũ hiwea binibuki.

Romanos 3:5

Yura betsã xinã txakai hãtxatiru keska matu xinãmanũ nĩkakãwẽ. Yura betsã ea yukakĩ: “Nũ txakabu betsa betsapa wamiswẽ taeshũ Deusũ hawẽ yubakawẽ nukuwẽ nuibiai haskai Deus pepama ikaskĩ nuku kupimismẽ? Haskakenã Deusrã, txakaburaka”, ikaya

Romanos 1:18

Yura hirabi hiwebaunabu hatũ txakabuwẽ txakabukubaĩkĩ hãtxa txanimawẽ hiwekatsi ikabumawẽ taeshũ betsabũ ikũwãtirubũ hau nĩkayamanũbũ txanima hãtxa hunekĩ nemamisbuki. Habũ hatu nemamisbu Deus nai anu hiwea hatuki sinatakĩ natiã hatu kupikĩ habu tenemaikiki.

Lucas 7:39

Jesus hatũ iatũ uĩtã Jesuskiri xinãkĩ: “Deus nuku yuishunika kayabitunã ha aĩbũ hawẽ tae meairã aĩbu txakabukũkaĩmis unãkeanaii”, ikaya

Provérbios 20:9

Tsuãra eska yuitirumahairaki: “Ẽ shinã pepaswẽ taea ẽ huĩti merã ẽ hawa txakabu hayamaki”, ikĩ yuikinã.

Romanos 2:1

Haska txakabu tibiwẽ yura betsabu ikai tsuãra uĩtã xinãkĩ ha akĩ txitenũ ishũ mã amis kasmai mã atirurã, habias txakabu mã haya matũmebi mã daketapatirubuki. Habiaska tibi habubetã mã abiamiswẽ taearã, haskawẽ taeshũ shanẽ ibu bebũshũ matu txiteaibu mã hawa nematirubumaki.

Romanos 3:1

Haskawẽ taeshũ judeu hatiritũ ea yukakĩ: “Dasibi Deusũ yusĩni judeubũ nũ unãkĩ txibaĩwẽ taeshũ Deus benimawakĩ judeubuma nũ hatu binuamẽ?” ea wamisbuki.

Romanos 7:14

Deus anua yunuti yusĩa pepa Moisés hatu yusĩbianikẽ Cristõ kuxipa xinãma babukĩ Deusũ hãtxa ẽ txibãmaki. Ẽ haskaya txakabũ ea atxikĩ tsumashũ ea yabumiski.