Romanos 2:19 - Kaxinawá Bíblia (BR)

¹⁹ Hanushũ matunã, yura betsã huni bekũ iyumis keska wakĩ yura betsabũ Deuskiri unãriabuma yusĩkĩ mã hatu tapĩmatiru mã xinãriaii.

Kashinawa : Diosun Jesúswen taexun yuba bena yiniki

¹⁹ Januxun matunan, yuda betsan juni bekun iyumis keska wakin yuda betsabun Dioskidi unandiabuma yusinkin man jatu tapinmatidu man shinandiaii.

Romanos 2:19 Referans Kwoze

1 Coríntios 4:10

Nukurã, mã haskara nukukiri xinaĩ? Cristowẽ taea nũ tatĩmakenã, hakia maturã, Cristowẽ taea mã unãnepakiaki. Hamẽ nukurã, nũ babuki. Hakia maturã, mã kuxipakiaki. Nukurã, nuku itxakawakanikiki, nukuki meseamarã. Hakia maturã, matu kẽwaĩ matuki mesemisbukiaki.

João 9:34

hanũkaĩ ana sinatahairakĩ yuikĩ: —Mia bekũ txakabuhaira mĩ kaĩniwẽ taeshũ mĩ nuku yusĩtirumaki. Kariwe— atã hau ana hatube itxayamashanũ nematã nitxĩnibukiaki.

Mateus 15:14

Hau xinã inũbũwẽ. Huni bekũmã huni betsa habe bekũ iyupai harakiri iyuai unãma habia dabe mikĩ maebaĩ di irabemisbuki. Ha beparameaibu haska keskabuki, habũ tsua merabewatirumarã. Haskakẽ hawa hatu yuiyamakãwẽ— nuku wa

Mateus 6:23

Hakia beru txakabuya haska xinã txakabu haya kemukĩ uĩtxakakĩ mã kanemiski. Ha inũ, Deusũ xinaĩ unãbiakĩ tsuãra xinã pewama kanei txakabuhairamisbuki. Maturã, haskayamashãkãwẽ.

Mateus 5:14

—Hamẽ betsarã, ekiri mã hatu yusĩshanairã, mã shaba keskaki. Hanu mae betsa mati mamaki hiwe hunetirubuma keska wakĩ ẽ matu yusĩaĩwẽ huneama hatu shabakabi yusĩkubaĩshãkãwẽ.

Isaías 49:6

Deusũ yuikĩ: “Hau Jacó enabu shukua pakea tibi habu Israel teshenibu habu besti anu merabewakĩ ea anu mĩ hatu txĩtũmashanũ mĩ ẽ tsuma katushũ ẽ mia yunuama iniki. Hakia txaihaira mai pakea anu hiweriabu haska haburi mekekĩ piskumakĩ mĩ hatu yusĩbaũshanũ bĩ ewapa txasha keska ẽ mia yunuriaii”, ikaya

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

1 Coríntios 3:18

Betsa betsapabu mã unãnepakatsis ikaii. Hakia haska unãnepabũ ibubis xinãkĩ kanemis Deusũ abuismaki. Mã ibubis keĩ unãnepaiburã, matũ xinã danãtã ana kẽkĩ haska xinãma txĩtũtã haska Deusũ abuai keskai unãnepa kayabikubaĩkãwẽ.

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Romanos 2:18

Hawara Deusũ abuai unãkĩ hawẽ hãtxa mã unaĩwẽ taeshũ haska hãtxã matu yusĩa tapĩkĩ mã pe katukubaĩtirubuki.

Romanos 2:20

Haska inũ, hawẽ yunuti inũ hawẽ nemati Deusũ Moisés yusĩni mã hayawẽ taeshũ dasibi hãtxa kayatapia unãkĩ habũ xinã benua inũ habu huĩti babubu mã hatu tapĩmatiruburi mã xinãriaii.