Romanos 2:18 - Kaxinawá Bíblia (BR)

¹⁸ Hawara Deusũ abuai unãkĩ hawẽ hãtxa mã unaĩwẽ taeshũ haska hãtxã matu yusĩa tapĩkĩ mã pe katukubaĩtirubuki.

Kashinawa : Diosun Jesúswen taexun yuba bena yiniki

¹⁸ Jawada Diosun bechipaiai unankin jawen jancha man unainwen taexun jaska janchan matu yusian tapinkin man pe katukubaintidubuki.

Romanos 2:18 Referans Kwoze

1 Tesalonicenses 5:21

Tsuabũra yuikĩ: “Deusũ hãtxa ẽ matu yusĩaiĩ”, ikĩ hatu yusĩaĩbu haska Deusũ hãtxa kayabi yusĩmẽkaĩ unãti wakĩ nĩkakubaĩkãwẽ. Deusũ hãtxa yusĩ pe waya unãtã ikũwãkĩ ha yusĩa mã txibãtirubuki.

Santiago 4:17

Haskawẽ taeshũ tsuabũra hawara pepa Deusũ abumis unãbiakĩ mã akamarã, txakabukĩ Deus mã pashkaii.

Filipenses 1:10

haska pepa besti abuai mã katukubainũbunã. Haskai hiwekĩ matũ hiwea shũpĩ hawa txakabuma ewakaini hawa txakabuki huti ika keskama nukũ Shanẽ Ibu Cristo huriamakẽ mã pepa hiwekubaĩtirubuki.

Deuteronômio 4:8

Na yunuti hãtxa inũ hawẽ nemati hãtxa pepa natiã ẽ matu inãshu keska, haratu yurabu hatũ beya pepa hayabumẽ? Haska hayabumaki.

Hebreus 5:14

Hakia yura ewabũ piti kuxipa pimisbu keskabũ habuã besti hawara pepa inũ hawara txakabu unãti wakĩ Deusũ hãtxa pepa unãkĩ katutirubuki.

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

João 13:17

Na haska ẽ matu yuiai tsuabũra nĩkatã hawẽ hiwekĩ habũ aki benimakubaĩshãkanikiki.

Lucas 12:47

Haskakẽ tsuabũra hawẽ shanẽ ibũ daya unã keyubiakĩ haska abuai akama inũ txibãmawẽ taeshũ hatu kupihairashanikiki.

Provérbios 6:23

Txanima ha yunuti hãtxa inũ ha yusĩti hãtxarã, mĩ kai anu bĩ ewapa dekua txasha keskaki. Mĩ kaneai nemakĩ mia pewaibu inũ hawẽ shinãmati hãtxa mia yusiaĩbu txibaĩ hiwea kayabi mĩ hayashanaii.

Salmos 19:8

Haska Senhor Deusũ yusĩkĩ yunumis inũ nemamisrã, pepa bestiki, hunibũ huĩti benimawairã. Hawẽ yunuti hãtxa hawa txakabumaki, yurabu hatũ beruwẽ shabakabi hatu uĩmairã.

Romanos 2:19

Hanushũ matunã, yura betsã huni bekũ iyumis keska wakĩ yura betsabũ Deuskiri unãriabuma yusĩkĩ mã hatu tapĩmatiru mã xinãriaii.