Romanos 16:21 - Kaxinawá Bíblia (BR)

²¹ Ha inũ, Deusũ hau matu duawanũ Timóteo ebe dayamistũ hawẽ hãtxa matu yunuriaikiki. Enabu Lúcio inũ, Jasom inũ Sosípatrõ hatũ hãtxa matu yunuriakanikiki.

Kashinawa : Diosun Jesúswen taexun yuba bena yiniki

²¹ Ja inun, Diosun jau matu duawanun Timoteo ebe dayamistun jawen jancha matu yunudiaikiki. Enabu Lucio inun, Jasón inun Sosípatron jatun jancha matu yunudiakanikiki.

Romanos 16:21 Referans Kwoze

Hechos 20:4

haska kainai habũ txibãbainai Beréia anua Pirrõ bake Sópatro inũ, Tessalônica anua Aristarco inũ Segundo inũ, Derbe anua Gaio inũ, Timóteo inũ, Ásia mai pakea anua Tíquico inũ Trófimo habe bui

Hechos 17:5

hakia judeu shanẽ ibu betsabu habũ ikũwãkatsi ikama Paulo inũ Silasĩ hatu binuaiwẽ taeshũ hatuki sinatakĩ huni txakabu txikixbu hatu itxawatã hatu pei inãtã yura dasibibubetã hau hatu itimaska wabaĩ Paulo inũ Silas atxishũ mae shanẽ ibubu hau inãnũbũ hatu yunuabu haskai berukubaĩkĩ hatu mesewakĩ datebaĩkĩ dasibi itimaskakaĩ Jasomẽ hiwe anu ha hunibũ Paulo inũ Silas benakeakebaini ha hiwe anu hikitã

Hechos 13:1

Antioquia anushũ ikũwaĩ itxaibu habũ hatu yusĩaĩnã, eska hayanibukiaki, Deusũ hãtxa meshtãmanikabu inũ habũ kakape Jesuskiri hãtxa yusĩnanãmisbu betsa betsapaburã. Hatũ kenarã, Barnabé inũ, Simeão hawẽ kena betsa Mexupa inũ, Cirene anua huni betsa Lúcio inũ, Galiléia shanẽ ibu Herodesbe ewani Manaém inũ, Saulo inibukiaki.

Romanos 16:11

Ha inũ, enabu Herodião shũska ea yuishũriashãkãwẽ. Ha inũ, hawenabubetã Jesus txibaĩbu Narcisobe hiweabu ẽ hãtxari ea yuishũriashãkãwẽ.

Romanos 16:7

Ha inũ, enabu Andrônico inũ Júnia habube ea bitxiniburã, ẽ ikũwãriamakẽ habũ dukũ ikũwãnibũ haskawẽ taeshũ dasibi Jesus Cristõ kuxipaya yununikabũ hatu unãkĩ hatukiri xinãkĩ kẽwãmisburi ẽ hãtxa ea hatu yuishũshãkãwẽ.

Hebreus 13:23

Ha inũ, nukũ betsa Timóteo bitxiti hiwe anua ma tashnimaxinabu ẽ matu unãmaii. Hawairakirã eki nukuaya habe kashũ ẽ matu betximai kashanaii.

2 Timóteo 1:2

Timóteoõ, ẽ mia kene bumai uĩrawe, mĩ Jesus Cristo ikũwaĩwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

1 Timóteo 6:20

Timóteoõ, mĩ xinã mekeirawe, haska Jesus Cristoki mĩ txiti ikawẽ taearã. Haskai betsabu tatimai unãnepanũ ika kemanamei ana Jesus Cristo ikũwãma hatũ xinã meribi watã ma txĩtuãbuki. Haskakẽ mianã, ha hãtxatxakaiburã, hatũ yusĩa txakabuwẽ parananaĩ: “Nukũ hãtxa unãnepati kayabiki”, ikĩ yusĩa pepa beshtenũ ikaibu hamẽ hatu nĩkayamakubaĩwẽ. Nukũ Shanẽ Ibũ hau hatube mia duawakubainũwẽ. Hatiski, ẽ hãtxarã. Paulo

1 Timóteo 6:11

Hakia miarã, Deusũ ma mia hawena wakĩ katuniwẽ taeshũ hawara txakabu betsa betsapa betxitã danaĩ ana hari kayamawe. Mĩ pe dayai hiwekatsi ikairã, mĩ daya bikabiakẽ Deusũ mia unaĩwẽ taea ikũwaĩ nui abunamei kuxipai huĩti kuxiama babutã hatu uĩmai hatube hiwekũkaĩwẽ.

1 Timóteo 1:2

Timóteoõ, ẽ mia kene bumai uĩrawe, ẽ mia Jesus Cristo ikũwãmaniwẽ taea mĩ ẽ bake kayabi keskakirã. Nukũ Epa Deus inũ nukũ Shanẽ Ibu Jesus Cristo miwẽ nuikĩ hau mia unãnuma hiwemakĩ pewakĩ duawapakekubainũbũwẽ.

2 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ ana matu kene bumai uĩrakãwẽ. Tessalônica mae ewapa anushũ mã ikũwaĩbu nukũ Epa Deus inũ nukũ Shanẽ Ibu Jesus Cristobe mã dasikẽ Deusũ matu duawakĩ hawama unãnuma hau matu hiwemakubainũwẽ.

1 Tesalonicenses 3:6

Hakia mã ikũwaĩ txĩtuãbuma inũ mã abunamei heneama Tessalônica anua haska kaka Timóteõ nĩkatãxĩshũ nuku yuia nĩkai haska nũ matuwẽ nuiai keskariai matũri nuku ana beisnũ ika mã nukukiri xinaĩ matu uĩtani huxĩshũ nuku yuikĩ benimawaxinaki.

1 Tesalonicenses 3:2

nukũ betsa Timóteo nukubetã Cristokiri kakape yusĩmis matu anu nũ nitxĩmaki, hau matu xinã txãkãwãkĩ hau matu ana kuxipa wai kanunã.

1 Tesalonicenses 1:1

Ẽ Paulõ, ẽ merabewanika Silvano inũ Timóteobetã ẽ matu kene bumai uĩrakãwẽ. Tessalônica mae anushũ mã ikũwaĩ nukũ Epa Deus inũ nukũ Shanẽ Ibu Jesus Cristobe mã ma dasia hatubekẽ Deusũ hau matu duawakĩ unãnuma matu hiwemakubainũwẽ.

Colosenses 1:1

Ea ẽ Paulorã, Deusũ hawẽ xinãnẽ Jesus Cristõ hawẽ kuxipaya ea wakĩ ea katuniwẽ taeshũ nukũ betsa Timóteobetã

Filipenses 1:1

Ẽ Paulo inũ Timóteõ, Jesus Cristõ tsumapã, mã habũ Jesus Cristo ikũwaĩbu Filipos anuabu inũ, habũ matu mekemisbu inũ, matu merabewamisbu mã dasibi Jesus Cristoki dasiabu nũ matu kene bumai uĩrakãwẽ.

2 Coríntios 1:19

Ea inũ Timóteo inũ Silvanonã, Deusũ bake Jesus Cristokiri besti nũ matu yusĩmiski. Hawẽ bake Jesus Cristokiri yubakai hãtxani Deusũ betsa waisma haska menenishũ betsa wama akubaĩmiski.

2 Coríntios 1:1

Ẽ Paulo Jesus Cristõ kuxipayawakĩ Deusũ hawẽ xinãnẽ ea katunikẽ nukubetã ikũwaĩ nukũ betsa Timóteobetã ẽ Paulõ ẽ ana matu kene bumaii. Deusunabu Corinto mae ewapa anushũ mã ikũwaĩbu inũ dasibi nukubetã Jesus txibaĩbu Acaia mai pakea anu manibaunabu ẽ matu kene bumai uĩrashãkãwẽ, haska mã unãnumamẽkainã.

Hechos 19:22

hanua hau bebũkiri Macedônia anu bunũbũ hawẽ merabewanika dabe Timóteo inũ Erasto yunutã ana usha eskarabesi Paulo Ásia mai pakea anu baxikuyuaya

Hechos 18:5

hanua mai pakea betsa Macedônia anua Silas inũ Timóteo haki nukui ma bexiãbũ hanushũ hawẽ daya henei datã Paulõ Jesuskiri besti judeubu hatu yusĩhaira bestiyunũ ishũ ana daya kayabi akama hatu yuikĩ: —Ikũki. Deusũ Messias nukũ Shanẽ Ibu nũ manakubaĩmisburã, Jesuski— akĩ hatu unãmai

Hechos 17:14

haska nĩkatã ikũwaĩbũ merabewakĩ hawaira hau Paulo pashanũ iãnẽwã kesha anu iyuaibũ hakia hatu anu Silas inũ Timóteo baxikuaibũ

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.