Provérbios 8:5 - Kaxinawá Bíblia (BR)

⁵ Mã berunã hawa tapĩriabuma inũ unaĩsmapabuũ, haskai mã unanepatiru inũ mã nĩkanikatiru ea tapĩkãwẽ.

Provérbios 8:5 Referans Kwoze

Provérbios 1:22

“Berunã hawa tapĩriabumaã, hawa unãma besti hiwenũ ika haska betxipai mã hatuki kasheai inũ unanepati hãtxa mã danãmisrã, hatiã mã heneshanai?

Hechos 26:18

Habu anu ẽ mia yunua kashũ hatu xinã betsa wamakĩ hau unaĩsmapakĩ Satanás ana txibãyamanũbũ ẽ Epa Deusũ hãtxa mĩ hatu yusĩkubaunũ judeubuma betsa betsapabu anu ẽ mia yunuaii. Harishũ hatu beru bepesha keska watã ana mexu merã kama keska hakia bĩwẽ kai keskaibu mĩ hatu waya hatiritũ ea ikũwaĩbũ hatũ txakabu ẽ hatu buashunaya Deusũ hatu hiwekuĩmashanikiki, hawa hatu kupiamarã, hawenabu meribi wakinã”, ea waniki.

Provérbios 1:4

hawara bebũkiri unãriabuma tapĩ hau unanepashanũbũ, berunãbu shinãmati inũ nĩkaisbuma nemati hatu tapĩmakĩ hawẽ yusĩti hãtxa Salomãonẽ hawenabu haskawẽ hiwetirubu hawẽ kenenika hatu kenemashunikiaki.

Salmos 19:7

Senhor Deus yusinananirã, kanema pehairaki, Hiwea bena inananãmiski. Hawẽ yunua betsa waisma ikũ kayabiki. Yurabũ hawa unãriama pepabu unanepa hatu wamiski.

Isaías 42:13

Senhor Deus hawa dateama mẽtsisipa keskai kaĩkirãshanikiki, hatu maematanũ ika detenamenika keskai bebukainirã. Hatu maemanũ ika bui hari sai sai ibaĩmisbu keskakĩ hawẽ hui tashnimashanikiki, haska kaĩkĩ haki sinataibu yamawanũ ikarã.

Provérbios 9:4

“Berunã tapĩsbuma inũ unaĩsmapabuũ, neri bekãwẽ.

Provérbios 1:32

Hawara pepa betsa betsapa tapĩkatsi isbumawẽ taea habũ hawa unãma mawashãkanikiki. Hawa yusiã pepawẽ nuisbumawẽ taea unaĩsmapa mawai yamashãkanikiki.

Provérbios 3:35

Unanepabu duawakĩ itxapabũ hatu kẽwãshãkanikiki. Hakia unaĩsmapabu danãkĩ tsuã hatu kẽwãma ishãkanikiki, hatukiri txakabu besti yui hãtxairã.

Provérbios 8:4

“Hunibuũ, matu inũ matũ bakebu anu ẽ matu hãtxa waii.

Provérbios 8:12

Ea huni keskai unanepa hãtxakĩ yuikĩ: “Ea unaneparã, ẽ haibu tapĩhairanikabe ẽ habe ketashameaki. Habe merabenaĩ ẽ hawa ariama nuku dabe yubakakĩ pe shinãtã pehaira nũ yusĩmiski.