Provérbios 6:12 - Kaxinawá Bíblia (BR)

¹² Huni txakabubũ hatu txakabuwamis pe shinãma txanitxakakĩ txani besti hatu yuibaũmisbuki.

Provérbios 6:12 Referans Kwoze

Mateus 12:34

Hakia maturã, mã paranã dunubuaibuki. Matũ huĩti txakabukẽ haska xinãkĩ kaĩmai hãtxakĩ hawara pepa yuiama txakabu besti mã yuikubaĩmiski.

Provérbios 16:27

Huni txakabubũ hãtxarã, txi here hi ikai keskakĩ hawẽ hãtxawẽ txakabu tibi tashnimamisbuki.

Provérbios 4:24

Txanitxakakĩ mĩ yuiarã, txakabuharaki. Ha henekĩ haska ana shinãyamakubaĩshãwẽ.

1 Timóteo 5:13

Haska inũ, yushaburiama hatũ piti inũ hatũ mabu inãkĩ mã hatu merabewaiwẽ taea haska besti bi ana dayakatsi ikama hiwe tibi anu besti hikikũkauni txikix pikutirubuki. Ha txikix pikuimarã, haska bestiama hiwe betsa tibi anu tsaushũ hatubetã txani yui inũ betsabuki txanitxakakĩ haska txani yui beyatirubuki, haskai txakabui pikuirã.

Hechos 20:30

Matu ibubis matu anua hanubi benitã shanẽ ibutã: “Ea txibãkãwẽ”, ishũ matu parãkĩ matu txani yusĩshãkanikiki.

Provérbios 17:4

Huni txakabu txanitxakamistũ txakabu tibi yuiaibu txakabu yuimisbũri hatũ hãtxa nĩkakĩ betxipaikĩ pawamisbuki.

Provérbios 8:13

Senhor Deuski datekĩ duawakubaĩkinã, txakabu danaĩ mĩ haki sinatatiruki. Eanã, nati txakabu ẽ danãmiski: ibubis keaĩbu inũ, ha: ‘Ẽ eã besti hamapai unã keyuaii’, imisbu inũ, hiwe txakakubaĩmisbu inũ, txanitxakakubaĩmisbu eã ẽ hatu danãhairamiski.

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.

Provérbios 11:6

Huni pepabũ yunuti pepa shinaĩ txakabu anua pashamisbuki. Hakia parananaĩ huni betsã hawara bianũ ika hawẽ kemumisburã, hatũ txakaburã, hawẽ yabukua keskaki.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Provérbios 2:12

Deusũ shinã mĩ tapĩhairaiwẽ taea hunibu txakabu anua inũ hiwei peabuma anua unanepai mĩ piskukaĩtiruki.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

1 Samuel 17:28

hakia haska yuiaibu hawẽ betsa iyua Eliabẽ nĩkatã haskakiri Davi yuiaibu nĩkatã hawẽ betsa haki sinatakĩ Davi yuikĩ: —Haskai mĩ nenu huamẽ? Hanu tsua hiweabuma anu nukũ epã txashuwã itxapama tsuã mekeshũyunũ mĩ yunubirãshinamẽ? Nũ hatube detenameai besti uĩtanũ ika mĩ hua mĩ datemanikapai haska txakabu shinaĩ ẽ nĩkaii— aka

Provérbios 10:32

Huni pepabũ hawara pepa yuikĩ habũ nĩkaibu hatu benimawakubaĩmisbuki. Hakia huni txakabubũ yuikĩ atimapa hãtxa besti yuikubaĩmisbuki.

Provérbios 16:30

Tsuãra hawẽ haibu beruwẽ kasmai keshawẽ yunukĩ txakabuwamakatsis ikĩ yunumiski. Tsuãra ma txakabuwa unãkinã, hawẽ kesha mukua dakashũ hatu unãmamisbuki.