Provérbios 4:26 - Kaxinawá Bíblia (BR)

²⁶ Haska hiwekaĩkĩ hanira mĩ kai bebũkiri shinã pewawe. Haskai bai tanai nishũ txakabuwakĩ mĩ kanetirumaki.

Provérbios 4:26 Referans Kwoze

Hebreus 12:13

Ha inũ, Jesus ikũwaĩ hawawẽra bika teneaibu punu nukai hau txĩtũyamanũbũ haska Deusũ abuai yusĩkĩ bai kayabikiri hatu pe unãmakubaĩkãwẽ.

Salmos 37:23

Senhor Deusũnã, haska betxipaiai keska hau ashunũbũ hawẽ shinã pepa hunibu txibãmamiski.

2 Tesalonicenses 3:3

Haska wakĩ Satanásã matu kanemakatsis ikaya nukũ Shanẽ Ibu nuku hakimaismatũ nuku shunũbainama matu kuxipa wakĩ mekekĩ txakabu matu binumakubaĩshanikiki.

1 Tesalonicenses 3:13

Haskawẽ taea nukũ Shanẽ Ibu Jesusũ matu xinã mestẽwãkĩ matũ hamapai txakabu beshtenishũ mã hawenabu hawa txakabu matukiri metutirubuma mã hiwekẽ hatiãra nukũ Shanẽ Ibu hawẽ tsumabube ana huaitiã nukũ Epa Deus bebũ mã nia hau matu uĩshanũ haska matukiri ẽ xinaiĩ. Haskakirã.

Efésios 5:17

Haska inũ, ana hawarawẽ unaĩsmapama hawara nukũ Shanẽ Ibũ matu amakatsis ikai nĩka pewatã haska xinaĩkiri tapĩrikãwẽ.

Ezequiel 18:28

Hamẽ betsarã, tsuãra hawẽ txakabu betsa betsapa unãtã henekĩ shinã betsa watã txanima hiweyushanikiki, ẽ kupiamarã.

Provérbios 5:21

Huni tibi mapushũ akubainaibu haska akaibu Senhor Deusũ uĩkĩ hawa hakimama shinãkubaĩmiski.

Efésios 5:15

Haskakẽ matũ hiwearã, uĩrakãwẽ. Hawara mã akai txibaĩ pe bestikubaĩkãwẽ, unaĩsmapamarã, hakia unãnepairã.

Provérbios 5:6

Ha hiwea kayabi baiwẽ kai hawa pe shinãma hawẽ hiwea mestẽmawẽ taea hawẽ nuitiruma inũ hawa unãmaki.

Salmos 40:2

kini atimapa anua ea piskumakĩ iã seuku anu ẽ hikikainai ea neshemiski. Ẽ hanu paiai anu daish iki ẽ tĩ iyamanũ mishkiki paimakĩ ea mestẽwãmiski.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

Provérbios 4:25

Huni txakabubũ betsa betsapa haikaimas shinãmisbu inũ tsuãra mia uĩtiruwẽ taea hatuki hawa dateama hariri mĩ kai txĩtuãma pe besti shinãkubaini hiwekũkaĩwẽ.

Provérbios 15:21

Bebũkiri pe shinaĩsma patapaburã, patapa bestinũ ika benimakubaĩmisbuki. Hakia habũ hawaira tapinikabunã, ibubis hatũ hiwea pewakubaĩmisbuki.

Provérbios 21:29

Huni txakabubu datebiai bemakis mestẽ pe itsai mapumisbuki. Hakia huni pepabu hawa shinã txakabuwaismawẽ taea dateama hiwekubaĩmisbuki.