Provérbios 3:3 - Kaxinawá Bíblia (BR)

³ Dasibibuwẽ nuikũkaini txanima hãtxa hawa heneyamakubaĩshãwẽ. Teuti sawea keska wa hatuwẽ nuikĩ txanima hãtxa sawewe, mĩ shinã uke merã netãkinã.

Provérbios 3:3 Referans Kwoze

2 Coríntios 3:3

Deusũ hawẽ yunuti inũ hawẽ nemati Moisés inãkĩ mixkiki Deusũ kenekĩ netãni keska wakĩ natiã shabakabi matu uĩnũbũ nukũ yusĩawẽ Cristõ hawẽ Yushĩ Pepawẽ txĩta tushkutimawẽ matũ huĩtiki kenea keska wakubainikiki. Hakia Deus hiweatũ Yushinĩ matũ xinã betsa wamakĩ matũ yuraki hawẽ kene netã keska waikiki.

Hebreus 10:16

“Ẽ Yavé Deusũ hatu yuikĩ: ‘Hanu hatiara Israelbukiri ẽ ana hatukiri yubakairã, eska ẽ ishanaii. Hatiara haska ẽ hatube yubakai benairã, ana bemakis ẽ hãtxa ẽ hatu yunuamaki. Hanua hanu hatuki dasikatsi hatũ bushka anu ẽ hãtxa mistukĩ hatũ huĩti bena watã ẽ hãtxa ẽ hatuki kenea keska washanaii’ ”, iwanã, ana ha hãtxakiri yuikĩ:

Provérbios 6:21

Teuti teua keska wakĩ mĩ huĩti anu netãtã hakimayamakũkaĩshãwẽ.

Malaquias 2:6

Levĩ hatu yusĩkinã, hawa txakabu hatu yuiama txanima hãtxa hatu yusĩkubaĩkĩ hau txakabuwayamanũbũ Israelĩ enabu mirima nemakĩ unanuma pepai ebe ketashamea ikubainibuki.

Efésios 5:9

Ha shabapã nukũ xinã betsa wamatã nuku tapĩmai tsekekaĩkĩ mia imairã, nuku duapamai inũ, nuku kayatapimai inũ, nuku txani txakatimawaikiki.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 20:28

Shanẽ ibuhairatũ hawẽ shanẽ ibu mestẽwaĩ hiwei pekĩ hawenabuwẽ nuikĩ hatu pe mekekubaĩmiswẽ taeshũ tsuã hawẽ kushipa mebĩtirumaki.

Provérbios 1:9

Mĩ epã yusĩti inũ mĩ ewã yusĩti mĩ heneama hawẽ mĩ hawẽruai mia uĩtirubuki, teuti inũ maiti hawẽruahaira mĩ sawea keskarã.

Deuteronômio 6:8

Na yunuti hãtxa keneshũ hakimatimakĩ bitxi bau pishta watã neshatã matũ mepitiki inũ matũ betũkuki neshetã haya mapukubaĩshãkãwẽ.

Mateus 23:23

Deusũ hãtxa kenenibu yusĩnanãmisbu inũ fariseubu mã beparamemisbuũ, mã peirawa! Matũ piti niswati tibi itxawashũ mekẽ dabeti mãtxĩwãtã Deusbe nukunabu hãtxashunika mãtxĩ betsa inãbiakubaĩmis haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

2 Samuel 15:20

Dama Jerusalém anu hiwetanũ ika mĩ hikishinaki. Haskawẽ taea: “Ebe kawe”, ẽ mia watirumaki. Hanira emebi ẽ kai ẽ unãmawẽ taeshũ mĩ nukube kanũ, iwanã, ẽ mia yuitirumaki. Minabu iyui mĩ hiwe anu txĩtũrikaĩtãwẽ. Mĩ haskakainairã, peki. Mĩ ewẽ nuiaya hau Senhor Deusũ mia duawakĩ merabewakubaĩshanũwẽ— aka

Provérbios 14:22

Tsuãra txakabuwanũ ishũ benabaũkinã, bai pepa benumisbuki. Hakia tsuãra pepa besti anũ ishũ benamisburã, yurabũ hatu betxipaikĩ txibãkĩ hatu hawa heneisbumaki.