Provérbios 3:18 - Kaxinawá Bíblia (BR)

¹⁸ Tsuãra unanepa hãtxa tapĩtã txibaĩ hawẽ hiwetirubuki, pe mekei benimakũkainirã.

Provérbios 3:18 Referans Kwoze

Provérbios 11:30

Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.

Provérbios 15:4

Hãtxa duapawẽ hatu unanuma hiwemakubaĩmisbuki. Hakia beparameti hãtxawẽ hatũ huĩti nishma wakubaĩmisbuki, hatu punu nuka wakinã.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.

Provérbios 13:12

Hawara akatsi shinãbiaya hamapai betsawẽ taea tea atiruma unaĩ huĩti nishmamisbuki. Hakia haska uĩkatsis ikĩ shinãkĩ manakamis tashniaya benimamisbuki.

Gênesis 3:22

hanua Deus hamebi yuinamekĩ: —Uiã, hunirã, nuku keskatanã, pepa inũ txakabu unãtã hiwepakemati hi bimi bishũ pitiruki. Haskai huni inũ hawẽ aĩ hiwepakeshãkanikiki, mawamarã— itã

Apocalipse 22:2

Haska ha bai kaya namakis hene kesha uke dabebi hawẽ hiwemati hi mapubaina ẽ uĩshuki. Hawẽ bimi betsa betsapa ushe tibi betsa maei bimimisbuki, hau Deusunabũ pipakeshanũbunã. Ha inũ, habia hi peiwẽ yurabũ hamapai betsa betsapa tenekubainaibu hawẽ peiwẽ shushatirubuki.

Provérbios 4:13

Ẽ yusĩti hãtxa danãma mestẽwãtã hakimakĩ heneama txibaĩ mĩ pe hiwekũkaĩshanaii.

Provérbios 8:34

Earã, ẽ bepẽmanaki. Tsuabura ea anu hushũ dasibi ẽ yusiã bari tibi ea nĩkakubaini txĩtuãma ẽ hatu mekea haya habũ ea nĩkai benimakubaĩshãkanikiki.

Provérbios 8:32

Ea unanepa ẽ matũ epa keskaki. Natiã ea nĩkairakãwẽ. Ẽ akubaĩmis ea txibaĩ mã benimakũkaĩshanaii.