Provérbios 21:20 - Kaxinawá Bíblia (BR)

²⁰ Huni unanepatũ hawẽ hiwetã piti inũ sheni inĩti inũ mabu pepa sharabu itxawatã unãshubira me pewakubaina hawẽ mabu hawaira keyutirumaki. Hakia huni unaĩsmapatũ hawẽ hiwetã piti inũ mabu pepa itxawabiatã meke pewama hawaira puta puta amisbuki.

Provérbios 21:20 Referans Kwoze

Provérbios 15:6

Huni pepa itxakanikamatũ hiwe anurã, mabu inũ piti itxapa hayakũkaĩmiski. Hakia huni txakabubũ mabu inũ piti itxawabiai hawẽ hawara bibiakinã, hawa ibubis pe merabe bitirubumaki.

Provérbios 10:22

Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Lucas 16:1

hanushũ fariseubũ nĩkariaibũ Jesusũ hawẽ tsumabu uĩkĩ haburi yusĩkĩ: —Huni betsa mabuhairaya inũ bai itxapaya habu dasibi mekeshunika dayashũmiskiri matu yuinũ nĩkakãwẽ. Hawẽ dayashunikatũ kanekĩ hawẽ hamapai tibi pe mekeshunamakẽ haki txaniabu nĩkashũ

Lucas 15:14

hawẽ pei yamakẽ ha mai pakeanuabu buni taeaibũ hawẽ bake mashku buniriakĩ

Salmos 23:5

Eki sinataibu bebũshũ piti sharabu mĩ ea pewashũmiski. Sheni inĩti pepawẽ ẽ bushka mĩ ea mashu amiski, ea duawakinã. Ẽ kẽtxaki nushuti pepa matawakĩ mĩ ea bupakemashũmiski.

Lucas 6:45

Habiaska keskari tsuabura duapabu huĩti pepaya hãtxa pepawẽs hãtxamisbuki. Hamẽ tsuabura duapa huĩti pepa haya hawa txakabu hayama yui hãtxa pepawẽs hãtxamisbuki. Ha inũ, tsuabura hatũ huĩti merã xinã txakabu mata hãtxakĩ txakabu yuikĩ kaĩmamisbuki— iwanã,

Mateus 25:8

ha txipax mekẽ besti unaĩsmapabũ ha bebũkiri unãnepabu hatu ea akĩ yuikĩ: “Hau nukũ bĩ nukayamarianũ matũ bĩ hene nuku tusashũyukãwẽ”, hatu wabu

Provérbios 8:21

Tsuabũra ea betxipaiaiburã, hawena ẽ inaiĩ, hamapai pepa bitã hawẽ hiwe anu arukĩ hau itxawashanũbunã.

Provérbios 14:24

Unanepabũ hatũ shinã pepahairarã, maiti hawẽrua sawea keskabuki. Hakia habu unaĩsmapabũ hawẽ hatu uĩmairã, maiti atimapa sawea keskabuki.

Provérbios 22:4

Senhor Deuski mesekĩ hawẽ hãtxa nĩkai hawa keĩsbuma pe hiweaibuwẽ taeshunã, Senhor Deusũ hatu manakukĩ mabuya wakĩ hawenabu hatu kẽwãmakĩ hatu pe hiwemakubaĩmiski.