19 Hawẽ hiwe anu hikitã ana txĩtũkirãtirubumaki, hawẽ hiwea bai pepa ana betxitã txibãmarã.
Haska Deus yubakamis yubanametã maewai txani txakaismawẽ taea hawẽ nukuwẽ nuishanai nũ haki irushanũbũ ha ikũwãkĩ manakanãkãwẽ, nuku ashũshanikikirã, hawẽ taea yubakaniwenã.
Huni pepabu hawẽ hiwea hawẽruai penai shabai taeitiã bari kaĩkirani bari mananãbi daka txasha txasha itxakayamai keskai ana pehairakubaĩmisbuki.
Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.
Ha hiwea kayabi baiwẽ kai hawa pe shinãma hawẽ hiwea mestẽmawẽ taea hawẽ nuitiruma inũ hawa unãmaki.
Hakia ẽ hãtxa danaĩ aĩbu txakabu anu mĩ kakũkaĩmis atimas mĩ hiwea keyui mĩ yura unãshubira babukũkaĩkĩ
Hamẽ unaĩsmapatunã, aĩbu beneya tsuãra txutairã, ibubis hawẽ hiwea txakabuhairawaikiki!