Provérbios 18:4 - Kaxinawá Bíblia (BR)

⁴ Huni unanepatũ hãtxarã, hene nuahaira keskaki. Hanua hene bei tueai keskai hawẽ unanepa hãtxa itxapa mata hayaki.

Provérbios 18:4 Referans Kwoze

Provérbios 20:5

Hunibũ shinã hunearã, hene nuahaira keskaki. Hakia hawaira tapinikabũ unãti wakĩ habũ shinã hunea shabakabi unãtirubuki.

Provérbios 10:11

Huni pepabũ yusĩti hãtxa pepawẽ merabewakĩ Deusũ hiwea kayabikiri hatu tapĩmakubaĩmisbuki. Hakia huni txakabũ bemakis hatu pewabiakĩ uke merã hune shinã txakakĩ hatu txakabuwamamisbuki.

Colosenses 4:6

Haska inũ, hatube hãtxai hãtxa duapa inũ hãtxa pepa bestiwẽ hãtxakãwẽ, haska yura tibibũ bika teneaibu hatu merabewakĩ hatu kemai hãtxai peirã.

João 4:14

—Hakia tsuabũra ũpash ẽ inaĩ atanã, ana tetsusini manuama ishãkanikiki. Habu tibi merã txatxa ũpash netsuisma keskatũ hatu hiwekuĩmashanikiki, ikibi imakinã— aka

Provérbios 13:14

Unanepã yusĩti hãtxa nĩkairã, hawẽ hiwea hayashanikiki, ha mawawẽ datemis piskuirã.

Colosenses 3:16

Matubunã, Cristõ kakape hiwetikiri itxapa mã ma tapianã, heneama akubaĩkãwẽ. Eskairã, hawẽ yusĩnanaĩnã, hawẽ unãnepakĩ betsabũ kaneaibu hatu ha akĩ pewakubaĩkinã, matũ huĩtĩ benimai xinã txãkãkĩ: “Peki”, ikĩ Deus kẽwaĩ Deuskiri nawati betsa betsapawẽ nawakubaĩkãwẽ.

Mateus 12:34

Hakia maturã, mã paranã dunubuaibuki. Matũ huĩti txakabukẽ haska xinãkĩ kaĩmai hãtxakĩ hawara pepa yuiama txakabu besti mã yuikubaĩmiski.

Provérbios 16:22

Tsuabura unanepa shinã pepa hayarã, hatũ hiwea perã, txatxa habai keskaki. Hamẽ unaĩsmapabu tsuãra mã hatu yusĩkubainairã, mã hatube habiaskariki, unaĩsmaparã.

Provérbios 18:3

Hamapai txakabuwairã, ha besti kaka tashniama dake paeyabi kaĩmiski. Kẽmisbu beaibũ hatuki dakei hatuki hãtxa txakabumisbuki.