Provérbios 18:10 - Kaxinawá Bíblia (BR)

¹⁰ Senhor Deusũ kushipa kayabi shinãtirã, mishki kushipa hiwe keyatapa wanibu hanu iruti keskaki. Tsuara pepabu hatũ mekenika Senhor Deus anu itxai buaibu hatu mekekubaĩmiski.

Provérbios 18:10 Referans Kwoze

Salmos 91:2

habũ Deus yuikĩ: “Mianã, mĩ ea irumamiski. Mĩ ẽ hiwe ewapa kushipaki. Mĩ ẽ Deus pepaki txiti ikĩ ẽ mia ikũwaiĩ.”

Salmos 27:1

Senhor Deus ẽ shaba keska hatũ ea mekemiswẽ taea ana hamapai betsaki ẽ dateamaki. Ẽ hiwea Deusũ ea keshekubaĩmiswẽ taea ana tsuki ẽ dateamaki.

Gênesis 17:1

Hanua Abrão 99 bariya hiwekẽ Senhor Deus haki nukutã uĩmakĩ ana yuikĩ: —Earã, ẽ mekenika kayabi Deus kushipahairaki, dasibi binũ keyuarã. Haskakẽ ẽ berubi ẽ mia uiãyã mianã, ẽ hãtxa txibãkubaini pepas aki hiwekũkaĩwẽ, txakabu meamarã— atã

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Jeremias 23:6

Ha shanẽ ibu kaĩkĩ hatu yunukubainaya Judá enabu unanuma pe mekeaibũ ha dikabi Israelĩ enabu unanuma hiwekubaĩshãkanikiki. Ha shanẽ ibu kenakinã, ‘Nukũ Shanẽ Ibu Kushipa Maemanikaki’, akubaĩshãkanikiki”, itã

Salmos 91:14

“Hau huni txakabubũ meyamanũbũ ha ẽ tsuma pepatũ ea betxipaikĩ ea unaĩwẽ taeshũ eã ha mekekĩ ẽ pashawashanaii.

Habacuque 3:19

Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.

Êxodo 6:3

Ea mekenika dasibibu binuatũ matũ shenipabu Abraão inũ, Isaque inũ, Jacó eã ẽ hatu unãmakubainiki. Hakia ẽ kena txanima kayabi shanẽ ibu Senhor Deus ẽ hatu unãmama iniki.

Provérbios 14:26

Tsuãra Senhor Deus ikũwãkĩ duawai hawa dateama hiwekubaĩmisbuki. Haska hawẽ ibu hiwea uĩkubaini hawẽ bakebu hawa datetirubumariki.

1 Samuel 17:45

hanushũ Davĩ kemakĩ yuikĩ: —Miarã, hashi dabe inũ matxatu txaipa kenuhairayatũ ea detenũ ika mĩ huaii. Hakia eanã, Israelĩ enabu mĩ hatu mesewakĩ datekubainaiwẽ taea hatũ mekenika Senhor Deus dasibi kushipa binuatũ kenawẽ taea mibe detenamenũ ika eari ẽ huaii.

Salmos 20:2

Hawẽ kẽwãti hiwe Sião Jerusalém anushũ hawẽ merabenãtiwẽ hau mia merabewanũwẽ.