Provérbios 17:27 - Kaxinawá Bíblia (BR)

²⁷ Unanepaburã, haskaira hãtxa yui hãtxa txakayamaisbumaki. Ha inũ, hawaira tapĩmisbunã, hawara uĩkĩ nĩkabiatã pes shũ uĩ bestimisbuki.

Provérbios 17:27 Referans Kwoze

Santiago 3:18

Haska unãnuma mã hatu hiwetãkubainai ha unãnumawẽ taeari yura betsabu unãnepariakĩ shabakabi hatu uĩmariakĩ pe besti mã hatu uĩmakubaĩtirubuki.

Santiago 1:19

Ẽ betsabu inũ ẽ puibuũ, ẽ matuwẽ nuiaikirirã, eskaki, xinaĩrakãwẽ. Hawara Deusũ matu dasibi yusĩkatsis ikai menã hawaira nĩka peirawakubaĩkãwẽ. Hakia hawara yuii mã hãtxakatsis ikai unãshubira hatu yuikãwẽ, hawa hatuki sinatamarã.

Provérbios 14:29

Tsuara hawa hĩ hĩ ikama unãshubira hãtxakĩ hawẽ unanepa hatu uĩmakubaĩmisbuki. Hakia tsuara hĩ hĩ iki hawaira hãtxakĩ hawẽ patapa hatu uĩmakubaĩmisbuki.

Provérbios 10:19

Tsuãra hawara tibikiri yui hãtxa txakayamakinã, kanekubaĩmisbuki. Hakia unanepaburã, mawaira hãtxaisbumaki.

Santiago 3:2

Dasibibunã, nũ kanehairamisbuki. Haskakenã, tsuabũra hãtxa txakabu yui shetxakakĩ kanekatsis ikama hawẽ yura mekekĩ hamapai tibi xinãkĩ hawẽ xinã meke pewatã hawẽ hiwea kayatapĩbaĩtirubuki.

Provérbios 15:28

Pepabũ ha dukũ shinã pewatã ha katxu hãtxa pepawẽ hatu kema pewamisbuki. Hakia huni txakabubũ hawa shinã pewama hawaira hãtxa txakabu kaĩmamisbuki.

Provérbios 16:32

Hĩ hĩ ikama hamapai tenetã manamistunã, mẽtsisipabu hatu binuhairaki. Hawara txakabu binukĩ tsuãra matũ yura mã mekemisrã, habũ maewã atxikĩ hatu maemamisbu mã hatu binuaki.