Provérbios 16:27 - Kaxinawá Bíblia (BR)

²⁷ Huni txakabubũ hãtxarã, txi here hi ikai keskakĩ hawẽ hãtxawẽ txakabu tibi tashnimamisbuki.

Provérbios 16:27 Referans Kwoze

Santiago 3:6

Nukũ hãtxarã, txi keskariki. Haska keskawẽ tsukira xinãtxaka pixtakĩ nũ shetxakai hãtxairã, nũ ha hatu dabãmakĩ nuitapa watiruki. Hamapai hãtxa txakabu nũ yuiairã, paeki. Haska xinaĩ nũ hãtxamiswenã, ibubis nukũ hiwea bai menukĩ itsa wakĩ nũ benumiski. Satanás txi anu kashanaitũ hatũ matu xinãmamiski, matũ hiwea pe kainai nakumakĩ txakabu wamakinã.

Provérbios 6:14

Hatũ shinã txakabuwẽ taea shinã txakabuwakĩ haska shinãkubaĩmisbuki, hau detenamenũbũ hawara huni betsã hakiri txakabu yuishu hatuki txanikĩ hatu sinatamairã.

Provérbios 6:12

Huni txakabubũ hatu txakabuwamis pe shinãma txanitxakakĩ txani besti hatu yuibaũmisbuki.

Provérbios 2:4

Pei inũ mabu pepa hunea binũ, iwanã, benamisbu keska wakĩ unanepati hãtxa tapinũ, iwanã, benahairakubaĩshãwẽ.

2 Samuel 20:1

Belial anushũ Benjamimnẽ enabu huni betsa txakabu Bicrĩ bake hawẽ kena Sebã Judá hunibũ hãtxa hatu dabãmabaĩkĩ Davi henemabaĩkatsi hatube sinatai benikaũ hawẽ trombeta txã txã akĩ Israelĩ hunibu yuikĩ: “Txanima Jessé bakẽ Davĩ hamapai nũ bitirumaki. Israelĩ hunibuũ, Davi henebaini nukũ hiwe anu inũ bunãkãwẽ”, hatu wa

Habacuque 2:13

Hamẽ daya txakayamai hĩ hĩ ikĩ matũ maewã mã beninirã, Senhor Deus kushipahaira dasibi binu keyuatũ txiwẽ menu keyukĩ matu yamawãshanikiki.

Provérbios 16:26

Buniama pikubainũ ika dayakubaĩmisbuki, buniwẽ taea datei hawa txikishamarã.

Provérbios 16:28

Huni atimapa hawẽ hãtxa txakabuwẽ ha imisbuki. Txani yui yuananãkĩ hatu sinatamamisbuki, hawẽ haibube hatu sinatanamemakinã.

Provérbios 16:30

Tsuãra hawẽ haibu beruwẽ kasmai keshawẽ yunukĩ txakabuwamakatsis ikĩ yunumiski. Tsuãra ma txakabuwa unãkinã, hawẽ kesha mukua dakashũ hatu unãmamisbuki.

Provérbios 19:28

Huni txakabubũ hawara uiãma inũ uĩbiai txani besti unãkĩ habũ pewẽ hatu unãti wabiaibũ ha yunuti kushipaki kashemisbuki. Ha inũ, huni txakabubũ hatũ keshawẽ hãtxa txakabu yuikĩ hatu mesewamisbuki, hashi kenuhaira hatuki puta keska wakinã.