Provérbios 16:20 - Kaxinawá Bíblia (BR)

²⁰ Yununika pepatũ hamapai akĩ pewairã, hawẽ daya pewakubaĩkĩ ewa wamiski. Tsuãra Senhor Deus ikũwãyã benimawakĩ hatu duawamiski.

Provérbios 16:20 Referans Kwoze

Isaías 30:18

Mã haskabiashanaya Senhor Deusũ matu manaikiki, hawẽ nui pae matu uĩmakatsirã. Haska matuwẽ nuitxakayamai matu uĩmakatsi ikikiki, ha Deus yunuti kushipa kanetiruma hayawẽ taearã. Senhor Deus dasibi tsuabũra mã manakaibuwẽ taea hawẽ benimakanikiki.

Salmos 2:12

Ha inũ, hawẽ bake kẽwãkĩ pepawakubaĩkãwẽ, mã nĩkamawẽ taea hawaira matuki sinataya hau bai namakishũ matu tenãyamanunã. Hamẽ tsuabũra Deusũ Katua betxipaikĩ mekemakubaĩmisburã, habu besti benimakubaĩmisbuki.

Salmos 34:8

Ibubis Senhor Deuski txiti ikĩ unãkãwẽ. Senhor Deusrã, merabenã pepahairaki. Tsuabũra haska wai haki txiti ika ha huni benimakũkaĩmiski.

Provérbios 19:8

Tsuãra hawara tapĩtã ha tapĩmawẽ aki hiwekaĩkĩ ibubis pe shinãbaĩkĩ unanuma hiwekĩ hawẽ hamapai ewawabaĩshanikiki.

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Daniel 6:23

haskawẽ taea benimahairakĩ kini meranua dispiwẽ hau Daniel mapemanũbũ shanẽ ibuhaira Dariõ hatu yunua ma mapemabu hawẽ mekenika Deus ikũhairawaiwẽ taeshũ hawa piama tsua uĩsisma uiaĩbũ

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Provérbios 8:35

Tsuãra ea benai eki nukutanã, hatũ hiwea kayabi bishãkanikiki, haska Senhor Deusũ betxipaimis txibãmiswẽ taeshunã.

Provérbios 13:15

Tsuãra pe shinãkĩ akĩ pewabainaya hunibũ kẽwãmisbuki. Hakia parananaĩ txanitxakakubaĩmisbu ana haskatã petirubumaki.

Provérbios 17:2

Tsuãra huni bake tatimawẽ taeshũ hawẽ tsuma unanepa ikũkaĩkĩ shanẽ ibukĩ ha bake tatima yunukubaĩshanikiki. Hanua hawẽ ibu ma mawakẽ hawẽ huni bake betsabubetã ha hawẽ tsumapã hawẽ mabu pashkashanikiki.

Salmos 32:10

Huni txakabukubaĩmisburã, hawa merabe hayama bika betsa betsapa tenekanikiki. Hakia tsuãra Senhor Deus ikũwãkĩ txibãbainaibuwẽ taea bika tenebiaya hawẽ nuikipawẽ mekekĩ yabukĩ akawamiski.

Provérbios 13:13

Yunuti hãtxa danãkĩ pe shinãma hawara kanetã aitĩ itxakayamatiruki. Hakia yunuti hãtxa nĩka pewatã txibãkĩ manakuti pepa bishanikiki.