Provérbios 14:7 - Kaxinawá Bíblia (BR)

⁷ Unaĩsmapabũ hãtxa nĩkakĩ mĩ hawa tapĩtirumawẽ taea hatube haibunameama tari mapukubaĩkãwẽ.

Provérbios 14:7 Referans Kwoze

Provérbios 13:20

Unanepabube haibunãtanã, hawẽ unanepa hãtxa mĩ tapĩkubaĩshanaii. Hakia unaĩsmapabube haibunãkinã, hatũ txakabu tapĩkĩ matũ beya pepa mã putashanaii.

Efésios 5:11

Tsuabura mexu merã nia keskashũ txakabu xinãtã matu amakatsis ikaiburã, hawa pe hayabumaki. Ana hatuki dasiama matuĩ hatu dakewakĩ shabakã kaĩma keska wakĩ shabakabi pepakiri hatu yuikubaĩkãwẽ.

1 Coríntios 5:11

Hakia hatiri mã eska hayabuwẽ taeshũ ẽ matu yui ikai nĩkakãwẽ. Tsuabura hãtxai: “Ẽ Jesus ikũwaĩ ẽ matũ betsaki”, ibiai haska hiweama txakabui txutanamebauni inũ, mabu tibiwẽ kemui inũ, yushĩ dami betsa bitã kẽwaĩbu inũ, yupukunaĩbu inũ paeĩ heneisbuma inũ, betsa parãtã yumetsumisbu ha haskai beparamemisburã, ana hatubetã piama daĩkubaĩkãwẽ, ana hatube mapuamarã.

Provérbios 9:6

Tapĩhairanika hãtxa ana danãma tapĩhairatã hiwekubaĩkãwẽ, haska tapĩhairai hiwemisbu keskai hiweirã, hatu atãkãwẽ”, aka bushũ

Provérbios 19:27

Mĩ ẽ bakewẽ taea epaã, mia nemaibu mĩ hatu ana tapĩkatsi ikama hatũ yusiã pepa henetã mĩ txakabukũkaĩshanaii.

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.