Biblia Todo Logo
Bib sou entènèt

- Piblisite -




Provérbios 14:32 - Kaxinawá Bíblia (BR)

32 Huni txakabu hatũ txakabuwẽ txakabuwai di imisbuki. Hakia huni pepabu duapakubaini hawẽ pepawẽ hawa dateama unanuma mawatirubuki.

Gade chapit la Kopi




Provérbios 14:32
29 Referans Kwoze  

Txakabu dasibi nukũ Shanẽ Ibũ ea binumakubaĩkĩ hanu shanẽ ibuai pepa hawẽrua nai anu ea pashawatã ea mekeshanai ẽ unaiĩ. Haskakẽ niti ikama ha duawakĩ kẽwanãkãwẽ. Haskakirã.


Na nukũ yura nũ henebaĩshanaii, nukũ Shanẽ Ibube hiwei kakinã. Hawa dateama punu nukama nũ hiweyukũkainaii.


Hawara bika tenei napãpa meshuhaira keska merã ẽ nibiakainaya mĩ ebe kaiwẽ taea hawa mesei ẽ dateismaki. Mĩ ẽ mekenã ebe kakĩ mĩ mestẽti inũ mĩ txashuwã hawẽ atxikĩ betãti tsumabaĩkĩ ea benimawakĩ mĩ ea shinã txakawãmiski.


Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.


hawẽ mekenika Deus datã akĩ: “Senhor Deusuũ, mĩ ea mekekubaĩshanai ẽ mia manahairaii”, itã


xinaĩ: “Natiã daki nuku ma tenãkanikiki”, ikĩ hawara nukũmebi nũ atiruma ibubis nũ xinãbiaya Deusũ nuku yusĩkĩ haska hatũ mawabu bestẽwãshanaitũ nukũ hamapai tibi nuku ashũtiru nũ ikũwãtirubu Deusũ nuku haska binumakubaĩyamaki.


Huni hakiri txakabu yuikĩ metuisbumarã, haskakiri uĩkĩ shinãkãwẽ. Ha huni peparã, unanuma hiwenũbarikiki.


Haskakẽ ana hawaki yurabu dateama yuikĩ: “Unanuma hiwei hawaki mesei dateama hiwekubainãkãwẽ”, ikubaini ana hawaki mesei dateabumakẽ Jesus ana niti ikama hawairakirã hatu kupishanikiki, aĩbu bake kaĩnũ ika isĩ berukutã ana maiãma kaĩmis keskairã.


Eã ibubis haska dabe ẽ katuarã, bikahairaki. Ẽ xinãnã, mawatã ẽ Cristobe ma hiwei kai pehairaki, enarã.


Natiã ẽ hiweyuarã, Cristo ẽ hiweshũyukũkainaii. Hakia hawẽ taea ẽ mawarã, ẽ nenu hiwemis binuaki.


Haska yurabũ hatũ txakabuwẽ Deus danaĩbu Deus hatuki sinatakĩ mawa kayabiwẽ hatu kupishanai inũ, ha besti kuxipahaira Deusũ yurabu unãmakatsi ikĩ haska hawẽ kuxipawẽ hawaira akama teneshũ manayukubainikiki.


Haskakẽ matu yuikĩ: “Matũ txakabu hakimama mã mawashanaii”, akĩ ẽ matu yuishuki. Nĩkakãwẽ. Txanima ẽ hiwei ikibi ini mã ea ikũwãkatsi ikama matũ txakabuwẽ besti mã mawashanaii— hatu wa


Habianushũri Jesusũ mapuabu hatu ana yuikĩ: —Ea ẽ hanira kakenã, ea benai matũ txakabuwẽ taea mã mawashanaii. Hanu ẽ kashanai anu mã katirumaki— hatu wa


“Shanẽ Ibu kuxipatuũ, natiã ea duawakĩ haska mĩ ea yubaima mĩ ma akaki. Haskawẽ taea hawa dateama unãnuma benima paewẽ ẽ mawashanai ea ana nemayamashãwẽ.


Haskamisbuwẽ taeshũ habu kupikinã, txakabuhairawẽ hatu bika tenemakĩ hawaira betsupe ika keska wakĩ hatu txakabuwakĩ yamawakĩ keyushanikiki, hawawẽ ana kayatima hatu wakinã.


Mĩ hiwekuiã kati bai mĩ ea unãmakubainaii. Mibe nia ẽ benimahairaya mĩ ea duawakubainaii.


Mĩ yusiã pepawẽ mĩ ea tapĩmakubaĩmiski. Txipu mĩ kushipawẽ nai anu ea benimawakĩ mĩ ea ishanaii.


Tsuabũra bebũkiri pe shinãkubaĩmisburã, hatũ shinã merã unanepa hãtxa hayabuki. Hakia unaĩsmapabũ unanepati hãtxa hawa tapĩtirubumaki.


Huni txakabũ ibubis hawara txakabuwamisrã, hawẽ yura txakabũ atxitã dispiwẽ neakĩ akawamamisbuki.


Huni pepabũ kaneaibũ ha yunuti pepatũ hatũ shinã hatu kayatapĩmakubaĩmiski. Hakia huni txakabubũ kanekĩ hatũ txakabuwẽ ibubis ana pikumisbuki.


Swiv nou:

Piblisite


Piblisite