Provérbios 13:16 - Kaxinawá Bíblia (BR)

¹⁶ Unanepatũ bebũkiri pe shinãtã hamapai amisbuki. Hakia unaĩsmapatũ hamapai txakabuwakĩ shabakabi hatu uĩmakubaĩmisbuki.

Provérbios 13:16 Referans Kwoze

Provérbios 15:2

Huni unanepa hãtxakinã, hawẽ unanepa hãtxa kaĩmamisbuki. Hakia unaĩsmapabũ hãtxa yuibiairã, hawa hãtxa pe yuisbumaki.

Efésios 5:17

Haska inũ, ana hawarawẽ unaĩsmapama hawara nukũ Shanẽ Ibũ matu amakatsis ikai nĩka pewatã haska xinaĩkiri tapĩrikãwẽ.

Isaías 52:13

Senhor Deusũ ana hatu yuikĩ: “Ẽ tsumapã dasibi binukĩ keyuaya shanẽ ibuhaira wakĩ dasibi hatu binumatã ẽ tsaũshanaii.

Romanos 16:19

Eska matukiri dasibi pe txaniaibu ẽ matu nĩkamiski. Haska mã Deus dayashunairã, hawara Deusũ abuai unãtã mã amis inũ, hawara Deusũ danãkĩ abuama unãriakĩ mã xinã husiamakeakemis matũ xinã unaĩ ẽ matuwẽ dateama haska matukiri xinaĩ ẽ benimaii.

1 Coríntios 14:20

Ẽ betsabu inũ ẽ puibuũ, matubunã, haska bakeixtã hawa unãma xinãmis keska ana iyamakãwẽ. Hakia bake mixtĩbu parananaĩ txakabuwama imisbu keskai tsuabura mã ma ewarã, ana unaĩspama haskakiri xinaĩrakubaĩkãwẽ.

Mateus 10:16

ana nuku yuikĩ: —Eskawẽ taeshũ ẽ matu yuiai nĩkairakãwẽ. Kamã inu pubẽbu anu mã ẽ 12 tsumabu txashuwã pepa nitxiã keska wakĩ ẽ matu yunuaii, mã ẽ tsumabu ewẽ taea matuki sinataibu anurã. Haskawẽ taea dunu tsuã parãtiruma unãnepai inũ deiwã pepa keskakĩ tsua sinatamayamashãkãwẽ.

Provérbios 21:24

Hawẽ unanepa inũ hawẽ tapinika hãtxawẽ keĩ betsabuki kashekĩ hatu kenamamisburã, “Ha huni hamẽ uĩbaĩ yui txitenamei hãtxa bestimiski”, akĩ yuimisbuki.

Provérbios 18:2

Huni unaĩsmapatũ shinanã, ana hawara betsa tapĩkatsi ismaki. Haska hawẽ shinã ma haya unãkĩ haska besti hatu yuikatsis imisbuki.

Provérbios 14:33

Tsuabũra bebũkiri pe shinãkubaĩmisburã, hatũ shinã merã unanepa hãtxa hayabuki. Hakia unaĩsmapabũ unanepati hãtxa hawa tapĩtirubumaki.