Provérbios 13:13 - Kaxinawá Bíblia (BR)

¹³ Yunuti hãtxa danãkĩ pe shinãma hawara kanetã aitĩ itxakayamatiruki. Hakia yunuti hãtxa nĩka pewatã txibãkĩ manakuti pepa bishanikiki.

Provérbios 13:13 Referans Kwoze

2 João 1:8

Jesus ikũwãkĩ hawẽ daya nũ amiswẽ taeshũ hau matũ pepawẽ Deusũ matu manakushanai mã bishanai benukatsi ikamarã, txĩtuãma ha parananaĩbu hatu uĩrakubaĩkãwẽ.

Salmos 19:11

Ha dikabi mĩ yusiãwenã, mĩ tsuma ea pewakĩ mĩ ea nemamiski. Mia nĩkahairatã mia ashuaĩburã, pehairawẽ mĩ hatu manakumiski.

Isaías 66:2

Dasibi betsa betsaparã, eã besti dami wakĩ ẽ keyuniki. Haska wakĩ ẽ taewa hayai hiwenibuki. Eã hunibu uĩkĩ merabewakinã, habu keĩsbuma inũ hatũ txakabu henetã ẽ hãtxaki mesekĩ nĩkamisbu ẽ hatu amiski, ikĩ ea Senhor Deusũ ẽ hãtxa ẽ mestẽwaiĩ”, iniki.

Provérbios 13:21

Habũ txakabu mekubainaiburã, hatũ txakabuwẽ betsa betsapa tenemisbuki. Hakia pepabunã, manakuti pepa bi hawẽ benimamisbuki.

Provérbios 1:25

Hakia hukatsi ikama ẽ yusiã hãtxa danãkĩ ẽ matu pewakatsi ikai ea anua mã hawa tapĩkatsi ikamaki.

Salmos 115:13

Tsuabura shanẽ ibu inũ shanẽ ibuma Deuskiri pe hãtxamisbu Deusũ habu duawakĩ pepawakubainikiki.

Lucas 16:31

ana nemakĩ Abraãonẽ yuikĩ: “Moisés yusĩa txanima inũ Deusũ hãtxa yuishunikabũ hatu yusĩni hawa nĩkaisbumawẽ taeshũ huni mawa ana bestẽkaini kashũ minabu hatu yusĩbia hawa nĩkamari itirubuki”, akĩ Abraãonẽ nemaimaki— iwanã,

Malaquias 3:16

Hamẽ betsarã, eska txanikiki. Tsuabũra Deus duawakĩ kẽwaĩ hãtxanamei mapushũ hatũ hãtxa habũ yuiai Senhor Deusũ hatu nĩkakĩ hatu betxipaiaya hanua naiurishũ haska habũ shinãkubainaibu Senhor Deus bebũ hawẽ hatu shinãmati una kenekĩ hatũ kena tibi habũ Senhor Deus duawamisbu tanakĩ kenekĩ netanibukiaki.

Mateus 5:12

Hanua Deusũ hãtxa yuishunikabu itxakawanibu keska wakĩ maturi itxakawaibu nai anushũ Deusũ matu duawashanaiwẽ taea hawa dateama xinã txãkãkubaĩshãkãwẽ— itã,

Êxodo 9:20

haska Senhor Deusũ hãtxa Faraónẽ merabewanika shanẽ ibu betsa betsapabũ nĩkatã datekĩ hatũ dayaru inũ hatũ inabu hiwe merã hau bitxinũbũ hatũ tsumabu hawaira hatu yunuabu

Provérbios 13:12

Hawara akatsi shinãbiaya hamapai betsawẽ taea tea atiruma unaĩ huĩti nishmamisbuki. Hakia haska uĩkatsis ikĩ shinãkĩ manakamis tashniaya benimamisbuki.

Provérbios 19:16

Tsuãra Senhor Deusũ yunuti hãtxa inũ nemati hãtxa nĩkatã txibãkĩ hatũ hiwea mekemisbuki. Hakia tsuãra Senhor Deusũ yusĩti hãtxa danaĩ hawẽ kupiti bika tenekubaini mawashanikiki.

Salmos 19:12

Tsuã ibubis kanetã dasibi hawẽ txakabu unãtirubumẽ? Senhor Deusuũ, hawa shinãma txakabuwakĩ ẽ kanemisrã, ea buashũtã ẽ shinã ea betsa wawe.

Provérbios 16:20

Yununika pepatũ hamapai akĩ pewairã, hawẽ daya pewakubaĩkĩ ewa wamiski. Tsuãra Senhor Deus ikũwãyã benimawakĩ hatu duawamiski.