Provérbios 12:25 - Kaxinawá Bíblia (BR)

²⁵ Tsuãra hawara bika tenehairai huĩti nishmai punu nukamisbuki. Hakia tsuãra hãtxa pepawẽ bika teneaibu merabewakĩ hatu benimawatirubuki.

Provérbios 12:25 Referans Kwoze

Provérbios 16:24

Hãtxa pepa nĩkai ana punu nukama kushipai benimakubaĩmisbuki, buna bata aka keskairã.

Provérbios 15:13

Hatũ huĩti benimairã, hatũ besu benimariai mapumisbuki. Hamẽ hatũ huĩti punu nukarã, kasha tenea mapumisbuki.

Provérbios 17:22

Tsuara huĩti benimai pepeirã, dau pepa shea keskaki. Hakia tsuara huĩti nishmakĩ hawẽ benima heneirã, hawẽ yura babui keyumiski.

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.

Provérbios 15:23

Hawara bikatsi yuka itã pepawẽ mĩ manai hawa bikama mia yuikĩ pewashanai haska peki. Hakia haska yuka ikĩ bikatsi shinaĩ binumakĩ hawaira haki nukumairã, ha pehairaki.

Provérbios 12:18

Huni betsa hawa shinãma hatu hãtxa txakabu yuikinã, nupewẽ hatu txatxikĩ akawamisbuki, hawa merabewamarã. Hakia unanepabũ hatu yusĩkinã, hatu merabewamisbuki, dau pepa sheama keska wakinã.

Salmos 42:11

Deus ikũwaĩ haki txiti itã hawa heneama Senhor Deus ẽ mekenã ẽ kẽwãkubainaii. Ana punu nukatã ẽ hawa beshteketirumaki. Haskai ẽ hamapai tibiwẽ ẽ ana nuiamaki. Ha bestihaira ẽ Deus inũ ẽ mekenikaki!

Provérbios 18:14

Isĩ tenebiai hawẽ huĩti shinã txãkãtiruki. Hakia punu nukai keyua dakakẽ tsuã shinã txakawãkĩ benimawatirumaki.

Provérbios 15:15

Tsuara bika betsa betsapa tenei shaba tibi nuitapakũkaini hiwemisbuki. Hakia tsuara huĩti benima hayarã, shaba tibi besi hawẽruai keskai hiwemisbuki.

Provérbios 14:10

Huni tibitũ hatũ huĩtinĩ hawara bika teneai inũ haskai benimai hamesti shabakabi unãtiruki, tsua hawa unãmamarã.

Provérbios 12:26

Huni pepabũ habu ha dapi hiweabu hatu haibuwakĩ hatu yusĩkĩ pewakubaĩmisbuki. Hakia huni txakabubu hiwe txakai bai txakabu txibaĩ benumisbuki.

Provérbios 15:30

Tsuãra besu hawẽrua sinatama uĩ benimamisbuki. Ha inũ, tsuãra kakape bana nĩkatã shinã txãkaĩ hawẽ benimai hawẽ kushipakubaĩmisbuki.