Provérbios 11:21 - Kaxinawá Bíblia (BR)

²¹ Txanima kayabi huni txakabubu hanu hatu kupiaitiã hani pashatirubumahairaki. Hakia pepabu hawa hatu kupiama hawama kaĩbaini pashashãkanikiki.

Provérbios 11:21 Referans Kwoze

Hechos 2:39

Nukuna bestimaki. Haska Deus yubakani ma akikiki. Matu dasibibu inũ matũ bakebu inũ txaihaira manibaunabu nukũ Shanẽ Ibu Deus haska matukiri yubakairã, dasibi matukiri iniki. Haskawẽ taeshũ hatira hawenabu wakĩ katukĩ kenakatsis ikikiki— iwanã,

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Salmos 37:26

Tsuara hatuwẽ dabanã ikĩ hawẽ hawara yaushiama shaba tibi hatu inãyumisrã, haskawẽ taeshũ hawẽ bakebuwẽ Deusũ duawamiski.

Provérbios 13:22

Huni pepabu mawakĩ hatũ yusiã pepa inũ mabu pepa hawẽ bababu heneshũbaĩmisbuki. Hakia hunĩ txakabuwamisbũ mabu itxapa itxawashinarã, mawaya huni pepabũ bikĩ ibuwashãkanikiki.

Provérbios 11:20

Tsuãra txakabu besti wanũ, iwanã, shinãmisbu Senhor Deusũ hatu betxipaiama danãmiski. Hakia tsuãra hawa txakabu meisma pe besti hiwekubaĩmisbu Senhor Deusũ hatu uĩ benimahairamiski.

Provérbios 11:22

Aĩbu hawẽruabia hawa tapĩkĩ pe shinaĩsmarã, hamẽki. Ina yawa hawẽrua wakatsi ha mane ouro meitxikiti karuhairawẽ hamẽ deuwatirubu keskarã.

Provérbios 12:21

Huni pepatũ hawa txakabuwaismakẽ txakabũ nuitapa watirumahairaki. Hakia huni txakabũ dasibi txakabu betsa betsapa amis betsa wama dasibi haki dasi wabaĩ Deusũ hatu kupia nuitapamisbuki.