Provérbios 10:22 - Kaxinawá Bíblia (BR)

²² Senhor Deusũ tsuara hatu duawakinã, mabu pepa itxapa keska hatu inãkĩ benimawamiski, hawa hatu bika tenemakĩ isĩ tenemamarã.

Provérbios 10:22 Referans Kwoze

Gênesis 26:12

Hanua Isaque habianuri hiweyua hatube dayakĩ hawẽ tsumabu yunua bai ewapa washũ shekiwã banaima itxapahaira tsekaibũ Senhor Deusũ duawakubaina Isaque shanẽ ibukĩ hawẽ hawara ana bikubaini hawẽ txashuwã itxapahaira hayai inũ, hawẽ ina awa itxapahairari hayai inũ, hawẽ dayaru escravo itxapahairari hayariai hatube hiwekĩ Isaque hati itxawai shanẽ ibuhairakũkainaya hanua Filisteu nawabũ uĩ kemui yuinamei haki sinatai: —Yuu, ha hunirã, haskai nuku anu huima shanẽ ibuhairakĩ nuku binuimẽkaĩ, mabu itxapa hayairã?— ikaibũ

Gênesis 24:35

Senhor Deusũ ẽ tsuma duahaira wakĩ shanẽ ibu wamiski, dasibi betsa betsapa inãkinã. Txashuwã mirima inũ, ina awa mirima inũ, prata mane inũ, ouro mane inũ, hawẽ huni inũ aĩbu dayaru escravo itxapa inũ, camelo inũ, ina betsa jumento itxapa inãmis hayaki.

Gênesis 12:2

Miwẽ taeshũ minabus pawakĩ nawa shukua betsa itxapa kushipa wakĩ ẽ tari hatu hiwemashanaii. Pepawakĩ duawakĩ ẽ mia merabewapakeshanaii, mĩ kena hatu unãma akeakekinã. Miãri mĩ hatu pepawariashanaii.

Salmos 37:22

Tsuabura Deusũ pepawakĩ duawamisrã, habũ mai hirabi ibu washãkanikiki. Hakia habu Senhor Deusũ yupuarã, habu yamai keyushãkanikiki.

Provérbios 20:21

Hawa wamabia hawaira mabu betxipaikĩ bitã txipu hatsãtã ana hawẽ benimatirumaki.

Gênesis 13:2

Abrão mabuwãyã mane ouro tashi txashakapa inũ, mane prata hushupa txashakapa mane hushupa inũ, mabu itxapa inũ, inabu itxapaya buirã.

1 Reis 21:19

Haki nukutã ea yuishũtãwẽ: ‘Senhor Deusũ hãtxa nĩkawe. Nabote tenãshũ hawẽ uva bai mĩ mebiãwẽ taeshũ habianuri Nabotẽ himi kamanẽ tashu tashu akĩ keyushinabuki. Habianushũri mĩ himiri kamanẽ tashu tashu akĩ keyuriashãkanikiki’ ”, akĩ haska Senhor Deusũ yuia nĩkatã Acabe anu kashũ habias hãtxa Eliasĩ shabakabi yuia,

Provérbios 8:21

Tsuabũra ea betxipaiaiburã, hawena ẽ inaiĩ, hamapai pepa bitã hawẽ hiwe anu arukĩ hau itxawashanũbunã.

Provérbios 14:24

Unanepabũ hatũ shinã pepahairarã, maiti hawẽrua sawea keskabuki. Hakia habu unaĩsmapabũ hawẽ hatu uĩmairã, maiti atimapa sawea keskabuki.

Daniel 1:15

ha 10 shaba binukainaya shanẽ ibũ piti berunã betsabũ pikubaini Daniel inũ hawẽ haibuaibũ besu shuai kushipakĩ hatu binuaya