Provérbios 10:20 - Kaxinawá Bíblia (BR)

²⁰ Huni pepabũ hãtxarã, mane prata karu pepa keskaki. Hakia huni txakabubũ shinanã, hawa pemahairaki.

Provérbios 10:20 Referans Kwoze

Provérbios 12:18

Huni betsa hawa shinãma hatu hãtxa txakabu yuikinã, nupewẽ hatu txatxikĩ akawamisbuki, hawa merabewamarã. Hakia unanepabũ hatu yusĩkinã, hatu merabewamisbuki, dau pepa sheama keska wakinã.

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Provérbios 16:13

Hãtxa txanima yuiaibu shanẽ ibuhairatũ hatu betxipai hatuwẽ benimakũkaĩmiski.

Provérbios 15:4

Hãtxa duapawẽ hatu unanuma hiwemakubaĩmisbuki. Hakia beparameti hãtxawẽ hatũ huĩti nishma wakubaĩmisbuki, hatu punu nuka wakinã.

Provérbios 8:19

Ea nĩkakĩ tapiaĩburã, pehairawẽ ẽ hatu manakukĩ inãkatsis ikairã, ha ouro mane has inũ prata mane has binuhairaki.

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Salmos 37:30

Ha inũ, huni pepabu hãtxairã, hãtxa unanepawẽ imisbuki. Ha dikabi yunuti hãtxa kushipawẽ parananãma pe besti hãtxamiski.

Provérbios 20:15

Ouro mane dauti sharabu mirima mai hirabi anu hayabiabũ ha huni unanepatunã, hawẽ hãtxa pepawẽ hãtxakĩ ha ouro mabu karuhaira binuabuki.