Provérbios 10:14 - Kaxinawá Bíblia (BR)

¹⁴ Unanepabũ hawẽ unanepati hãtxa mekekĩ hawaira yuisbumaki. Hakia unaĩsmapabũ hatũ hãtxa hawaira yuikĩ mese wakĩ hatu sinatamamisbuki.

Provérbios 10:14 Referans Kwoze

Provérbios 18:7

Unaĩsmapa hawẽ keshawẽ hãtxairã, ibubis txakabui dispiwẽ teneshekea keskamisbuki, hawẽ hiwea txakabuwairã.

Provérbios 10:8

Unanepabunã, yunuti hãtxa pepa hawaira nĩkamisbuki. Hakia habu patapakĩ hãtxa txakabu yuimisburã, hawaira txakabui benushãkanikiki.

Provérbios 13:3

Tsuãra hawẽ hãtxa mekemis ibubis meketirubuki. Hakia tsuãra hamapai yui hãtxawãmisrã, hamẽ hawena besti benushanikiki.

Provérbios 10:10

Tsuãra huni betsa parãmakĩ beruwẽ hatu unãmakĩ hatukiri shetxiku amisrã, unãtã hatu itxakawakĩ hatu nuitapawamisbuki. Unaĩsmapatũ pe shinãma hawaira hatu hãtxa yuibauni txanikaũmisrã, hawẽ txakabuwẽ taeshũ hakiri pe shinãma hatu itxakawashãkanikiki.

Provérbios 9:9

Hamẽ huni unanepa mĩ yusiã nĩkakĩ tapĩhairai ana unanepa txakayamashanikiki. Huni pepa mĩ yusiã mia nĩkatã ana itxapa tapĩshanikiki.

Mateus 13:52

ana nuku yuikĩ: —Hawẽ hiwe anushũ huni betsã hawẽ mabu betsa tibi arutã mekea unaĩkiki, mabu bena inũ shenirã. Haska tibi arumiswẽ taeshũ hawara mabu pepa bena inũ sheni ha dabe kaĩmamis keska wakĩ Deus shanẽ ibuaikiri ẽ yusĩa bena inũ yusĩa sheni katukubaĩkĩ eari txibãkĩ ea ikũwãriatã Deusũ hãtxa kenenibu yusĩnanãmisbũ hatu pe yusĩriatirubuki— nuku watã

Mateus 13:44

ana miyui betsawẽ nuku yuikĩ: —Tsuãra huni betsã bai anu pei mirima arukĩ maiwani hune benamabia huni betsã pukĩshũ betxitã ibu wakatsi ikĩ hawaira ana habianuri atximatã benimahairakĩ pei hune bikatsis ikĩ hawẽ mabu dasibi peiwẽ taeshũ hatu inã keyutã hune yumetsukatsi ikama hawaira bai ibu anu kashũ hawẽ peiwẽ bai ibu watã ha pei maiwanibu bitiruki. Deus shanẽ ibuirã, pei mirima arunibu hunea keskaki.

Mateus 12:35

Hamẽ tsuabura duapa huĩti pepaya hawa txakabu yuiama hãtxa pepawẽs hãtxamisbuki. Ha inũ, yurabu hawẽ huĩti merã xinã txakabu haya hãtxakĩ txakabus yuikĩ kaĩmamisbuki.

Provérbios 21:23

Tsuara hari shinaĩ hãtxakatsi bebũkiri shinã pewatã hawẽ hãtxa pe kaĩmamisrã, hamapai txakabuwaismawẽ taea hakiri shinã txakatirubumaki.

Provérbios 19:8

Tsuãra hawara tapĩtã ha tapĩmawẽ aki hiwekaĩkĩ ibubis pe shinãbaĩkĩ unanuma hiwekĩ hawẽ hamapai ewawabaĩshanikiki.

Provérbios 18:15

Unanepa tapinikabunã, unanepa hãtxa sharabu benakĩ ana tapĩkubaĩmisbuki.

Provérbios 18:1

Tsuãra ibubis haska betxipaikĩ akatsis ikai hawenas besti shinaĩ huni betsã yusĩti hãtxa betxipaiama beshtekĩ danãkubaĩmisbuki.

Provérbios 1:5

Yurabu unanepa inũ tapĩhairanikatũ yusiã nĩkakĩ ana unanepahairakĩ dasibi haska tapĩkubaĩmis shinãkĩ ana shabakabi tapĩtirubuki,

Provérbios 12:23

Tapĩhairanika ibubis kẽkĩ hawara shinãkĩ unaĩ shabakabi hawaira hatu tashnimashuĩsmaki. Hamẽ unaĩsmapabũ hawa shinãma hawara hãtxa pema yuibaũmisbuki.

Provérbios 17:20

Hawẽ shinã pemabia parananaĩ hãtxa txakakũkaĩmisrã, hawa pepa haki nuku taskama ikũkaĩshanikiki. Txanitxaka besti parananaĩ hãtxakubaĩmisbu dakei bika tenekubaĩshãkanikiki.