Números 22:38 - Kaxinawá Bíblia (BR)

³⁸ Balaãonẽ kemakĩ yuikĩ: —Mia uinũ ika ẽ hushurã, ma ẽ nenuki. Eska besti ẽ mia yuitiruki. Ẽ shinanẽ eiskauã emebi ẽ kushipawẽ ẽ yuismaki. Hakia haska Deusũ besti ea yunua ẽ atiruki— aka

Números 22:38 Referans Kwoze

Provérbios 19:21

Huni yubakai ibubis hawẽ shinanẽ hãtxakĩ akatsis ibiai atirumaki. Hakia hawẽ shinã nemakĩ Senhor Deusũ haska shinaĩ hawena tashnimashũtiruki.

Números 22:18

Balaãonẽ hatu kemakĩ yuikĩ: —Eskaki, ea nĩkakãwẽ. Dasibi ouro inũ prata mane pepahaira hawẽ hiwe mata haya matũ shanẽ ibu Balaquẽ ea inãbia ẽ mekenika Senhor Deusũ ea yunuama ẽ hawa washũtirumaki, ẽ Senhor Deusũ yunua binukinã.

Números 23:26

Balaãonẽ kemakĩ yuikĩ: —Haska Senhor Deusũ ea yunua ha besti ẽ atiruki. Habiaska bebũkiri ẽ mia yuia mĩ nĩkashuki— aka

Números 23:16

Deus haki nukushũ hau yuinũ hawẽ hãtxa Senhor Deusũ Balaão unãmatã hanushũ yuikĩ: —Hanu Balaque anu txĩtũkaĩ na habias hãtxa ẽ mia yuishu ana yuiritãwẽ— aka

Isaías 46:10

Ẽ dami wakĩ taewani keyui kai yui ẽ txaniniki, earã. Haska tashniriamahaira haskanũbariai yui ẽ txaniniki. Haska wakatsi ikĩ yubakatã eã ẽ tashnimamiski. Haska tibi hau inũwẽ, akĩ eã ẽ yunua imiski.

Isaías 44:25

Ha inũ, huniburã, ẽ hatube hãtxamabia haskashanai txanimisbũ hãtxaibu nĩkakĩ unãtã hatũ shinã ẽ nemamiski. Habu unanepai txanimisbu hatũ shinã ẽ hawama wamiski. Huni unanepakĩ yusiaĩbu ẽ hatu hamakiri yuimamiski, unanepakĩ atirububiakẽ hatũ hãtxa inũ hatũ shinã hamẽ wãkinã.

Salmos 33:10

Nawã Deus ikũwãbuma dayakĩ haska betxipaikĩ hatũ mae anu daya ewapa tashnimatã hawẽ hiwebainaibũ Senhor Deusũ hatu betxipaiama nemakĩ beshtekubaĩmiski.

1 Reis 22:14

hawẽ hãtxa nĩkabiakĩ Micaíasĩ kemakĩ yuikĩ: —Senhor Deus hiweawẽ taeshũ haska Senhor Deusũ haska shinaĩ ea yuia besti ẽ hatu yui kaii— abaini

Números 24:13

“Haska mã hakiri ea yuibiaibunã, hawẽ hiwe ewapa hawẽrua anua hawẽ ouro inũ prata mane arua ha dasibi mĩ shanẽ ibu Balaquẽ ea inãkuĩbia haska Senhor Deusũ ea yunua hakiri shinãma ibubis ẽ shinanẽ hawara pepa inũ hawara txakabu ẽ atirumaki. Hawara Senhor Deusũ yunukĩ ea yuia ha besti ẽ ashũtiruki”, akĩ ẽ hatu yuimaki.

Números 22:37

Balaquẽ yuikĩ: —Hau mia itanũbũ ẽ hatu yunuhairashinaki. Haskai uatiã ẽ mia kenakĩ bikawabia mĩ huama ishiãmẽ? Ẽ mia duahairawatiruma mĩ shinaĩ ishiãraka. Ẽ mia atiruki. Dateyamawe— aka

Números 22:39

hanushũ Balaquẽ Balaão iyui mae betsa hawẽ kena Quiriate-Huzote anu hikiabu

Números 22:8

Balaãonẽ hatu yuikĩ: —Peki. Na habia meshu merã ẽ uĩyuai habianu iyukãwẽ, Senhor Deusũ haskarara ea yunua nĩkatã ẽ matu yuishanairã— akĩ hatu yuia niti itã ha Moabe shanẽ ibu beshmasbu hawẽ hiwetã ushaibũ

1 Reis 22:16

hakia shanẽ ibuhaira Acabẽ kemakĩ yuikĩ: —Ẽ miki txanibia mĩ ea yui pewaismaki. Senhor Deusũ hãtxa hawara mia yuiai besti ea yuiwe, natiã Senhor Deusũ kena kushipawẽ txanima hãtxa besti ea yuikinã, ẽ nĩkakatsis ikairã— aka