Neemias 8:8 - Kaxinawá Bíblia (BR)

⁸ Deusũ yunuti inũ hawẽ nemati hãtxa unaki keneni hui kushipawẽ yuikĩ hau shabakabi nĩkakĩ tapinũbũ Deusũ hãtxa shinãmati shabakabi hatu nĩkamakĩ yusĩkĩ hãtxa maewakĩ hatu haska wanibukiaki.

Neemias 8:8 Referans Kwoze

Hechos 28:23

hawatiãra ana itxashanaibu shaba katutã: —Hanu nuku ashãwẽ— abaĩxinabu judeu itxapabu hanu Paulo hiwe anu itxai beabu Deus shanẽ ibuaikiri yusĩkubaĩkĩ Moisés inũ Deusũ hãtxa yuishunika betsabũri kenenibuwẽ Deusũ Messias Jesuskiri Paulõ hatu ikũwãmakatsis ikĩ bari txai hatu tanamakĩ hatu yusĩbaiaya

Lucas 24:45

ha kenenibu una hau nĩka pewanũbũ

Lucas 24:32

ha dabetã xinaĩ yuinamekĩ: —Bai tanabirãkĩ Deusũ hãtxa yuishunikabũ yusĩni nuku unãmakĩ nuku yusĩayã nũ huĩti xinã txãkãkũkirãshuki, haskamamẽ?— iki yuinametã

Lucas 24:27

Deusũ Moisés yusĩa keneniwẽ hatu yusĩ taewakĩ Deusũ hãtxa yuishunikabu dasibibũ yusĩa hãtxawẽri Jesusũ hatu yusĩkĩ hatu unãmakubainaya

Habacuque 2:2

Senhor Deusũ ea kemakĩ yuikĩ: “Mapu sapa washũ tsusĩriama hi kenu debu mesiwẽ haska ẽ mia unãmai kenewe. Tsusiaĩ kuabu mĩ neshea shabakabi mĩ keneshina tsuãra uĩkĩ hawa keti ikama hawaira yuibaĩkĩ tapĩtirubuki.

Neemias 8:7

hanu habũ Esdras merabewakĩ Levĩ enabu Jesua inũ, Bani inũ, Serebias inũ, Jamim inũ, Acube inũ, Sabetai inũ, Hodias inũ, Maaséias inũ, Quelita inũ, Azarias inũ, Jozabade inũ, Hanã inũ, Pelaíasĩ tsauabu hatu yusĩkĩ

2 Reis 23:2

Judá enabu hunibu dasibi inũ, Jerusalém anu hiweabu inũ, hawenabu Deusbe hãtxashunikabu inũ, Deusũ hãtxa yuishunikabu inũ, mae hirabi bake mishtĩbu inũ, yura ewabu betsa shanẽ ibubu inũ, betsa nuitapaibu dasibi Senhor Deus kẽwãti hiwe hemaĩtĩ anu shanẽ ibuhaira Josiasbe bua mapuabu Senhor Deus hatũ shenipabube yubakani hãtxa una merã kenenibu Senhor Deus kẽwãti hiwe anua betxishinabu bua Josias tsaushũ ha una meranu hãtxa dasibi hui kushipawẽ hatu yuishũkĩ keyutã