Neemias 4:1 - Kaxinawá Bíblia (BR)

¹ Jerusalém mishkiwẽ kenebaunibu di anibu nũ ana bena wakĩ pewakĩ taewaya Sambalatẽ nĩkatã pubeĩ nukuki sinatahairakĩ Judeubuki kashei taekĩ

Neemias 4:1 Referans Kwoze

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.

Neemias 2:10

Israelĩ enabu merabewatanũ ika ẽ ma hikikẽ Horom anua Sambalate inũ Amom nawa yununika beshmas Tobiasĩ nĩkatã hawa habũ haska betxipaiama inibuki, tsua hushũ Israelĩ enabu merabewai uĩkatsi ikamarã.

Hechos 5:17

Ha hatu haska waibutiã Deusbe hawenabu hãtxashunika shanẽ ibuhaira inũ saduceu habũ txibãmisbu habianushũri Jesusũ kuxipayabu hatu uĩ hatũ kuxipawẽ kemubiai hatuki sinatakĩ

Neemias 2:19

ẽ hatu haska wai ẽ hãtxa nĩkabirã Horom anua Sambalate inũ, Amom nawa yununika shanẽ ibu beshmas Tobias inũ, Árabe nawa Gesém nukuki kashekĩ nuku hãtxa txakabuwakĩ ea danãkĩ yuikĩ: —Mã nuku haska wanũ ika ikai? Pérsia shanẽ ibuhairatũ hãtxa mã daka danaĩ ana haki sinatakanai?— ea wabu

Mateus 27:29

hanua musha maiti washũ maimatã hawẽ mekẽ yusiuri hi siri hawẽ shanẽ ibũ mestẽti keska tsumamatã hanua haki kashei ha bebũ dãti itã yuikĩ: —Judeu shanẽ ibu kayabirã, mĩ miaki— atã atãkĩ

Mateus 2:16

Hanua Herodes bixi unãnikabũ parãbaĩxinabu ana beabumakẽ Herodesĩ unãtã sinatahairakĩ haska bixi unãnikabũ yuibaĩxina huni bake bari dabeyariabuma inũ bari dabeyabu hau dasibi hatu detekĩ tenãtanũbũ hawẽ soldadobu yunua Belém inũ ha dapi hiwebaunabu anu bushũ detekĩ tenãkĩ keyunibukiaki.

Jeremias 38:19

Zedequiasĩ kemakĩ yuikĩ: —Enabu Judá hatiri Caldéia nawabube husiyamabuwẽ taea hatuwẽ ẽ datehairaii. Habũ ea atxitã ẽ yura ea itxakawatxakayamatirubuki— aka