Miquéias 2:7 - Kaxinawá Bíblia (BR)

⁷ Nũ Jacó enaburã, tsuã nuku yuputirumaki. Deus hĩ hĩ ikama teneshũ nuku manamisrã, ma benuamẽ? Haskamismẽ, Deusrã?” ikaibũ hakia Senhor Deusũ yuikĩ: “Tsuara hiwei pekubainaibu ẽ hãtxã hatu merabewakubaĩmiski.

Miquéias 2:7 Referans Kwoze

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Salmos 15:2

Senhor Deusũ ea kemakĩ: “Tsuabura pe besti hiwekĩ pepas besti akubaĩmisbu inũ, txanitxakakatsi ikama parananaĩsma inũ,

Isaías 50:2

Ana matu merabewanũ ika hushũ ẽ hawa huni betsa betxiama iniki. Ẽ matu kenabia tsuã taska mã ea kemama inibuki. Ẽ matu haska wabia haskakĩ mã ea benakĩ shinaĩsmamẽ? Eanã, matu merabewakĩ ẽ matu piskumatiruma mã ekiri shinaĩ imismẽ? Habũ matu tsuma wabu anua ẽ matu tashnimatiruma dabanẽ mã shinaĩ imismẽ? Earã, ẽ kushipaki. Ianẽwã yunukĩ: ‘Hawaira hene netsui metuwe’, ẽ wa itiru inũ heneri betsa wakĩ metu wakĩ ẽ tsusĩ wãyã baka ũpash manui mawai pisimayatiruki, hene hayamakenã. Ha hene netsua anuri mairi hanu tsua hiweabuma ẽ watiruki.

Provérbios 10:29

Senhor Deusũ hatu mekekinã, habũ pepa wakubainaibu hatu mekemiski. Hakia habũ txakabuwakubainaiburã, Senhor Deusũ hatu kupikĩ yamawamiski.

Provérbios 10:9

Tsuabura pe hiwekĩ hawa txakabu meisbuma hawaki dateama unanuma hiwekubaĩmisbuki. Hakia tsuabũra txakabu mekĩ hunebiamisbu hatũ txakabu shabakabi betxitã hatu dake washãkanikiki.

2 Timóteo 3:5

Hatũ keshawẽ bemakis shabakabi Deus kẽwãbiakĩ hawa hawẽ hiweawẽ pepakĩ uĩmama Deusũ kuxipaki dakekĩ kẽwã kayabiama danãshãkanikiki. Haska keskaburã, hatube ketashameama hatu dũkekubaĩwẽ.

2 Coríntios 6:12

haska mã nukukiri xinãmis xinaĩrakãwẽ. Nũ matuwẽ nuikĩ nũ matu danãmabiakẽ matũri matũ nui uĩmakĩ mã nuku hawa waismaki.

Romanos 7:13

Ha yusĩa pepa hawẽruabiatunã, ea mawa kayabi anu iyuairã, pemẽ? Haskamahairaki. Ha ẽ txakabu amisrã, haska txanima shabakabi kayabi ẽ txakabu tashnikĩ txakabũ ea parãkĩ yabutã ea kanemakĩ hatũ ea tenã keska waniki. Ikũki. Hawara Deusũ abuama nemani aki nũ txakabumisrã, harã, pemahairaki. Txakaburã, Deusunamaki. Haskarã, danãmiski.

João 8:39

—Hamaki. Deusũ katuni Abraãonẽ enaburã, nũ nukuki— ikaibũ Jesusũ ana hatu yuikĩ: —Matu txanima mã Abraãonẽ enaburã, haska Abraãonẽ ani mã ariakeanaii.

Miquéias 3:9

Israelĩ enabu shanẽ ibubu inũ yununikabuũ, ikis ana eska nĩkakãwẽ. Yunuti kushipa pepa danãkĩ betxipaiama hawara pepa dasibi yushtumabiakẽ mã yushtu wakĩ keyumis keskabuki, eska tibi akinã.

Jeremias 2:4

Betsatiã ana hatu yuikĩ: Jacó enabu Israelĩ bakebu shukuabu tibibuũ, Senhor Deusũ eska matu hãtxa waikiki, nĩkakãwẽ. “Matũ shenipabunã, ẽ hawa hatu txakabuwa ea anua betxitã ea henebainimabumẽ? Ha deus kayabima hamẽ dami txibaĩmaburã, ibubis maetã hatumebi hawa ana kushipa hayabumaki.

Isaías 58:1

Senhor Deusũ ana ea yuikĩ: “Dateama sai itxakayamatãwẽ, mimawati trombeta txã akai keska wakĩ mĩ hui kaĩmakinã. Enabũ kanekĩ txakabuwamisbu ha akĩ Jacó enabu hatũ txakabu hatu txitekĩ ha atãwẽ.

Provérbios 14:2

Tsuara txanima hiwei peshũ Senhor Deus duawakĩ benimawamisbuki. Hakia tsuara hiwei peama kanekubaĩkinã, Senhor Deus danãkubaĩmisbuki.

Provérbios 2:7

Tsuãra hawa kaneama inũ hawa txanitxakama pepa besti hiwekũkainairã, Senhor Deusũ merabewakĩ hatu mekekubaĩmiski.

Números 11:23

Senhor Deusũ Moisés ana kemakĩ yuikĩ: —Mĩ ea shinanã, ẽ kushiparã, pesheishta dabanẽ mĩ ea shinaĩ ikai? Natiã haska ẽ mia yuiai ẽ mia ashũtirumẽkaĩ, ẽ mia ashũtirumamẽkaĩ, mĩ uĩshanaii— aka