Miquéias 2:4 - Kaxinawá Bíblia (BR)

⁴ Ha shaba haskaitiã mã hatũ shanẽ ibububia nui paewẽ kashakĩ matunabu saĩ ikĩ kashakĩ matukiri habuwashãkanikiki: ‘Dasibi ma nuku txakabuwakĩ keyuabuki. Nukũ mai pakea Senhor Deusunabiakẽ huni betsabũ ma nuku ibuwaĩmabuki, mã hawa hatu nemamarã. Nukũ yunu bai dasibi mebĩtã nukuri atxitã nuku ma pashkakĩ keyuabuki, ibuwãkinã’, iwanã, kashabetanã matu ha akubaĩshãkanikiki”, hatu wanikiaki.

Miquéias 2:4 Referans Kwoze

Habacuque 2:6

Hakia tsuãra nawa shukua betsa betsapabu hatu atximabũ habu atximabũ hatuki kasheshãkanikiki, hatukiri kãtai eskairã: ‘Matunamabia hatu datebaĩ mebĩkubaĩkĩ mabu inũ pei mirima mã ma hayawẽ taea mã peirashãkãwã! matu anu kupiti mese hushanayarã. Ha mabu inũ pei mã hatu mebĩkubaĩkĩ itxawakubainairã, hatiã mã hatu heneshanai?’ hatu washãkanikiki.

Miquéias 1:15

Eska Senhor Deusũ matu yuikiki. Nĩkakãwẽ: “Hau matu atxinũbũ matũ mae Maressa anu hiweabu ẽ matuki sinataiwẽ taea matu anu shanẽ ibu kushipa betsa ana ẽ matu yunushanaii. Ẽ hatu haska waya uĩbaini Israelĩ enabu anua shanẽ ibumisbu tibibũ enabu pashai Adulão anu mai kini tãpe anu hunei hikinũ ika bushãkanikiki.

Isaías 6:11

eã yukakĩ: “Senhor Deusuũ, haskarã, hatiã kauã ishanimẽkaĩ?” akĩ ẽ yuka Senhor Deusũ ea kemakĩ: “Haskairã, na mae ewapabu ma yamawa ana hanu yura hayama inũ, hatũ hiwe merã tsua hiweama inũ, hatũ bai tibi ana hawa mibã hayamakẽ ishanikiki.

Números 23:7

hau haska ishanũ Balaão hatukiri yuikĩ: “ ‘Ẽ mae mati matipa bari huaikiria Arã anushũ hau hunũwẽ’, iwanã, Balaquẽ ea hatu iwemashinaki. Moabe nawabu shanẽ ibuhairatũ ea kenashĩshũ ea yuikĩ: ‘Israelĩ enabu ea hatu yupushũwẽ. Jacó enabu ẽ hatu betxipaiama txakabuwashũkĩ ea hatu yupushũwẽ’, ea washuki.

Marcos 12:12

na miyuiwẽ hatu ha akĩ txiteai unãkĩ shanẽ ibubũ Jesus atxikatsis ibiai yurã kaiãki mesekĩ hawa meama heneyunibukiaki.

Miquéias 2:10

Na maerã, hanu huĩrukũti kayabimawẽ taea benitã burikãwẽ. Nenu atimapahairawẽ taeshũ txakabuwakĩ yamawakĩ keyushãkanikiki.

Amós 5:1

Israelĩ enabuũ, ea Amós ẽ hãtxai ea nĩkakãwẽ. Matuwẽ taea nui matukiri habuai ẽ kashai ea nĩkakãwẽ:

Joel 1:13

Matu mã nukunabu Deusbe hãtxashunikabuũ, Senhor Deus kẽwãti hiwe Templo anu dayakĩ shekiwã trigo duru inũ uva vinhowẽ nukũ mekenika Deus hawẽ txi tapu anushũ mã ana inãkuĩtirubumaki. Haskawẽ taea matũ tari pepa pekatã nui tari besha sawetã nuitxakayamai kasharikubaĩkãwẽ.

Joel 1:8

Hamẽ betsarã, beneyakatsi habe yubakaima ma mawakẽ nui tari besha sawea bis bis iki kashakũkaini keskai

Ezequiel 2:10

ea bebũshũ ha una sebi txureai uke bukũ keneya kashai bis ikai kene haya inũ, isĩ mei bika teneai kene haya inũ, pubẽ hãtxa kene haya ẽ uiãyã

2 Samuel 1:17

Saul inũ Jônatas mawashinabu shinaĩ nui Davi kãtai

Números 24:15

haskashanaibu Balaãonẽ hatu yuikĩ: “Earã, ẽ Beorĩ bake Balaãoki. Haska hunibũ uĩsbuma ma ẽ uiãki.

Números 24:3

hau haska ikubaĩshanũbũ Balaãonẽ Balaque hãtxa wakĩ: “Beorĩ bake Balaão eska ẽ hãtxaii. Haska hunibũ uĩsbuma ma ẽ uiãki.

Números 23:18

ha nawabu haskashanaibu Balaãonẽ Balaque hãtxashũkĩ: “Ziporĩ bake Balaqueẽ, pes shũ ea nĩkawe.

Miquéias 1:8

Samaria anu yushibu dami kẽwaĩbu beya pae tsuã nemakĩ hatũ txakabu hatu shusha watirubuma Judá enabu hari hatũ mai pakea anu Jerusalém anu hanu enabu hiweabu anuri na habũ atimapa hatu amaibu ma hikiriawẽ taea huĩti nishmahaira ẽ kasha txakayamakũkaĩshanaii. Haskawẽ taea nikauni bitxi taeuma inũ, tariuma nia kamã inu keskai kashakũkauni inũ, yuinaka peiya avestruz keumis keskai ẽ nia ketãshanaii.