Mateus 7:6 - Kaxinawá Bíblia (BR)

⁶ —Haska inũ, hawara pepa Deusuna kamã pubẽ mã inãtirumaki, hawẽ unãti watã matu keyutiruwẽ taeshunã. Habiaskari wakĩ ina yawa pubẽ mã mabu pepa inãtirumariki, txakabuwakĩ hau matu pema pema akãyamanunã. Habiaskari wakĩ tsuabũra Deusũ hãtxa danãhairamistũ hau matu deteyamanũbũ hatu ana yusĩyamakubaĩshãkãwẽ— iwanã,

Kashinawa : Diosun Jesúswen taexun yuba bena yiniki

⁶ —Jaska inun, jawada pepa Diosuna kaman puben man inantidumaki, jawen unanti watan matu keyutiduwen taexunan. Jabiaskadi wakin ina yawa puben man mabu pepa inantidumadiki, chakabuwakin jau matu pema pema akanyamanunan. Jabiaskadi wakin tsuabunda Diosun jancha dananjaidamistun jau matu deteyamanunbun jatu ana yusinyamakubainxankanwen— iwanan,

Mateus 7:6 Referans Kwoze

Filipenses 3:2

Ha huni yusĩnã meketikiri parananaĩ itxakanikai daya pepa wanikapaikĩ matu yusĩkĩ judeubu keska matu hiwemanũ ika ikanikiki, dateyamakaĩ matũ hina kubitxi meshtemanũ ikarã. Matu haska wanũ ikaibu uĩrakãwẽ.

Mateus 15:26

Jesusũ yuikĩ: —Israelbũ piti biãshũ kamã anu putatimaki— akaya

Hebreus 10:29

Matubunã, xinãkãwẽ. Tsuabũ meshanimẽkaĩ, ha hawa hatuwẽ nuiama Deusũ hatu kupitxakayamashanairã. Jesus Cristõ himiwẽ hawẽ hatu yubani Deusũ Yushĩnĩ hawẽ taeshũ hatu abubia tsuabũra Deusũ bakeki hameĩ haki kashekĩ hawẽ himi hatu habashũbiani danãkĩ itxakanikiki, hawẽ taea habũ ikũwaĩbu pepati wabianikenã.

2 Pedro 2:22

Ha panananãmisbu haskakiri hatu yuini txanima habiaskakanikiki. Uĩrakãwẽ. “Kamã hanãtã txĩtũkirã ana hawẽri pimisbuki. Ha inũ, ina yawa pupushaira datxukĩ shũpĩwãbiabu ana txĩtũkaĩ pupuski irumai ana hawẽ meweki pukumiski.” Haska ẽ matu yuiai keskakanikiki, txakabui ana pikuirã.

Mateus 24:10

Matu haska waibutiã itxapabũ ea txibaĩ beshteketã hanushũ ikũwaĩbu betsabu danãkĩ hatu atximakeakeshãkanikiki.

Provérbios 11:22

Aĩbu hawẽruabia hawa tapĩkĩ pe shinaĩsmarã, hamẽki. Ina yawa hawẽrua wakatsi ha mane ouro meitxikiti karuhairawẽ hamẽ deuwatirubu keskarã.

2 Coríntios 11:26

Haska inũ, Jesusũ kakapekiri yusĩ nũ kakũkaunai haska tibi mese ẽ binukubaĩmis matu ana yuinũ nĩkakãwẽ. Ẽ hene pukei kaya hawaira bai mata bekĩ ea shashu narabea inũ maĩ pukei nua maeshbaĩ hasai ẽ mawakeãkũkainiki. Ha inũ, maĩ ẽ kaya yumetsubũri ea mesewatã ẽ hamapai ea bianibuki. Ha inũ, enabu inũ enabumã ea itxakawakĩ ea date date akubaĩyamabuki. Ha inũ, mae ewapa tibi anushũ inũ hanu hiweabumanushũ hunibũ ea itxakawanũbũ yuinaka pianãbũ ea pikeãyamaki. Ha inũ, iãnẽwanu niwe shashuwẽ ẽ kaya niwẽwã mese bekĩ ea datekubaĩyamaki. Ha inũ, nukubetã ikũwaĩbu habũ ikũwãtxakaibũ ea bikawakĩ ekiri txanitxakubaĩyamabuki.

Mateus 7:5

Hakia bemakis beparamei hãtxamisbuũ, maturi txakabubia betsã txakabuai uĩkĩ mã ha amiski. Mã hi hirabi betimanabia tsekashũ puta keska watã matũ huĩti meranua matũ txakabu ewapa putatã ana kaneama merabenãkĩ hi pese mĩ haibũ beru anua bia keska wakĩ huni betsã txakabu beshmas hayari merabewakĩ mã yusĩtiruki.

Apocalipse 22:15

Hamẽ betsaburã, Deus danãkĩ hamapai txakabuwamisbu inũ, mukayakĩ Satanásã kuxipa yukamisbu inũ, txutanamebaũmisbu inũ, yura betsa tenãmisbu inũ, yushĩ dami betsa kẽwãmisbu inũ, dasibi hamapai tibi abubaũmisbu inũ, txani txakamisbu habu haskamisbu besti baxikushãkanikiki, habu Deusũ mae pepa anu hikiamarã.