Mateus 26:10 - Kaxinawá Bíblia (BR)

¹⁰ nũ haskaibu Jesusũ nĩkatã nuku yuikĩ: —Na aĩbũ ea duawaya haskai mã hari hãtxai?

Kashinawa : Diosun Jesúswen taexun yuba bena yiniki

¹⁰ nun jaskaibu Jesúsun ninkatan nuku yuikin: —Na ainbun ea duawai ¿jaskai man jadi janchai?

Mateus 26:10 Referans Kwoze

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.

Hebreus 13:21

Deusũ haskakiri matu xinaĩ yubakani hatũ hau matu dasibi pewakubainũwẽ. Habiaskari wakĩ haska abuai keska wakĩ hau nuku amariakubainũwẽ, Jesus Cristowẽ taeshunã. Haskakẽ nukũ merabenã Cristo kẽhairawakubainãkãwẽ. Haskakirã.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:1

Ikũwaĩbu hau eskakubainũbũ ẽ mia hatukiri xinãmaii. Habũ mae yunuaibu shanẽ ibubũ hatu hawakirira yunuabu hatu nĩkatã hau ashũkubainũbũwẽ. Hawa txikixama hamapai tibi hatu yunuabu: “Hamaki”, ikama hau ashũkubainũbũwẽ.

Tito 2:14

Deusũ nuku kupiaya hau nukũ txakabuwẽ taea nũ benuyamashanũbũ dasibi txakabu ana xinãtima wakĩ Deusũ nuku buashunũ, iwanã, Jesus Cristo yunua hamebi mawakĩ hawẽ hiwea nuku inaĩ nuku mawashuniki. Nuku haska wakĩ hawenabu kayabi pepa nuku waniwẽ taeshũ ha besti hiweshũkĩ nukũ pepa uĩmai dayashũkubainãkãwẽ.

Tito 1:16

Haskawẽ taeshũ habũ yuikĩ: “Deus ẽ ikũwaiĩ”, ibiakĩ hamapai txakabu betsa betsapa akĩ Deusũ haska abumis akama danãmisbuki. Habunã, eska tibi wakinã, hatuki sinatakĩ tsua abuama inũ, huĩti kuxi sinarãwã hawa hatũ xinã pepamawẽ taeshũ hawara pepa wakĩ Deus ashũtirubumaki.

2 Timóteo 2:21

Ha mabu pepa ouro keskarã, tsuabũra txakabu henetã hawẽ Shanẽ Ibu pepakĩ dayashuni hawa txakabu husikĩ ana meama ha besti pepashunaiwẽ taeshũ hamapai daya pepa betsa betsapa hawẽ Shanẽ Ibu Jesusũ yunutiruki.

1 Timóteo 5:10

Hatũ bakebu ma pe yumewani inũ, bai beaibu hatũ hiwetã itã Jesus Cristonabu betsabu duawakĩ beya wakĩ hatũ tae hutxupaunibu natiã hari nuitapaya merabewakĩ pe besti dayakũkainiwẽ taeshũ Jesus Cristonabũ ha pepabu besti hatukiri xinãkĩ hau merabewakubainũbũwẽ.

1 Timóteo 3:1

Na hãtxarã, txanima habiaskaki. Haratubũra Jesus Cristo ikũwaĩbu hatũ mekenikakatsis ikirã, daya pepa akatsi ikaiburã, haskarã, peki.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Efésios 2:10

Deusũ haska nukukiri xinãkĩ hatũ nuku damiwakinã, hawẽ bake Jesus Cristoki dasitã hawenabũ hawẽ daya pepa inũ hawẽ bai pepa txibãkĩ ashuĩ nũ hiweyukubaĩshanũbũ Deusũ bebũkiri nuku katukĩ pewaniki.

Gálatas 6:17

Jesuski dasinishũ hakiri ẽ yusĩkubainaya ea itxakawakĩ detekĩ ea baka keshtuwakeakenibuwẽ taeshũ ẽ yusĩa ea yuãkĩ ana ea bikawayamakãwẽ.

Gálatas 5:12

Haskakẽ judeubũ beya txibãkĩ huni betsabũ hina kubitxi matu binũ, iwanã, yusĩ mapushũ matu bikawaiburã, hatũ hina hirabi hau meshte keyurianũbũwẽ.

Gálatas 1:7

Txanima ẽ matu yuiaii. Yusĩa betsa naeshuma kuxipa hayama keskawẽ matu yusĩkanikiki. Huni betsabu humepakĩ matu parãkĩ Cristõ matu mekeakiri kakape betsa wakĩ habias hãtxawẽ matu yusĩabumaki. Hatũ yusĩa hãtxarã, hamẽ haki beparamekanikiki.

2 Coríntios 9:8

Ha inũ, merabewakĩ hamapai betsa betsapa yura betsabu ashũkĩ matũ hawara pashkashũ mã hatu merabewaya Deusũ matu duawakĩ akũhaira pawamakĩ matuna binumakĩ inãkĩ matu ashũtiruwẽ mã duanametirubuki.

Marcos 14:6

haki haskaibu Jesusũ hatu nemakĩ: —Na aĩbũ ea duawai haskakĩ mã dakewai?

Neemias 2:18

haska Deusũ ea duawakĩ merabewashina inũ haska Pérsia nawa shanẽ ibuhairatũ ea pe yuishina ẽ habu yuia habũ ea kemakĩ yuikĩ: —Haskakenã, dayai taeribaunãkãwẽ!— iki dasibibũri hatu benimawakeakeaibũ

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

Mateus 26:9

Hatu inãshũ hawẽ pei mirima bitã nuitapaibu merabewatibĩ!— iki aĩbuki nũ ha ikaya

Mateus 26:11

Nuitapaibu matube hiweabu mã hatu duawapaketiruki. Hakia earã, hawẽtxaĩs mã ea duawapaketirumaki.

Lucas 8:49

aki nikẽ habiatiãri shanẽ ibu Jairõ hiwe anua hawẽ tsuma betsa hushũ Jairo yuikĩ: —Mĩ bakerã, ma mawashuki. Ana huni yusĩnã daketapa wayamawe— akai