Mateus 25:44 - Kaxinawá Bíblia (BR)

⁴⁴ habũri ea yuikĩ: “Shanẽ Ibuũ, hania mĩ haskaya hatiã mia merabewakĩ nũ mia duawama inimẽ?” ea wabu

Kashinawa : Diosun Jesúswen taexun yuba bena yiniki

⁴⁴ jabundi ea yuikin: “Xanen Ibuun, jania min jaskaya ¿jatian mia medabewakin nun mia duawama inimen?” ea wabu

Mateus 25:44 Referans Kwoze

Lucas 10:29

ibubis penũ ishũ Jesus yukakĩ: —Ẽ habube hiwearã, tsuabumẽ?— aka

Mateus 7:22

Na haska ẽ matu yuiai keska enabu kayabi hatu itxawanũ ika ẽ ana huaya itxapabũ ea yuikĩ: “Shanẽ Ibuũ, Shanẽ Ibuũ, mikiri yusĩkubaĩkĩ mĩ kena kuxipawẽ yuikĩ yushĩ txakabu nitxĩkĩ dami atimaska betsa betsapa nũ mia ashũkubaĩmiski. Nukuri katuriwe”, ea akaibu

Malaquias 3:13

Senhor Deusũ ana hatu yuikĩ: “Hãtxa kushipawẽ shabakabi mã ea yuãkubirãmiski, ẽ matu wa ea kemakĩ: ‘Hawa mikiri hãtxa kushipawẽ nũ mia yuãmismẽ?’ akĩ mã ea yukamisbuki.

Malaquias 2:17

Senhor Deusũ matũ hãtxa nĩkai ma matuki txikishi hatsãhairabiakẽ nĩkamas matũ ana yukakĩ: “Nuku nĩkai hau hatsanũ hawa nũ hãtxa txakabu yuiai?” iwanã, mã yukakubainaii. Hakia matũ yuikĩ: “Nũ txakabu wabiaya Senhor Deus nukuwẽ benimaikiki, shinã txãkainã”, iwanã, hãtxakĩ mã yuikubainaii. Hakia matuburã, Deus pepama dabanẽ mã ikũkainaii, hawa ikũwãmarã.

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Jeremias 2:35

Mã haskabiakũkaĩmis ibubis yuikĩ: ‘Ẽ hawa hatu txakabuwaismaki. Eki hawa Deus sinatama ishanikiki’, ikĩ mã hunebiakubaĩmis uĩshãkãwẽ. Eanã, shabakabi ẽ matu unãti washanaii, mã pemẽkaĩ, mã txakabumẽkainã, hawẽ taeshũ matu kupikatsirã.

Jeremias 2:23

matu iki: “ ‘Nukurã, nũ hawa meshu detsismaki. Yushibubu txani nũ kẽwaĩsmaki’, ikĩ mã yuibiairã, pashku napaku anushũ hune txakabu hawara mã akubainima shinãkãwẽ. Txakabu dasibi mã akubaĩmis uĩkĩ shinãkubaĩkãwẽ. Camela yushã depesekeuma hamebi nia ishtxuakeakemis keskakĩ txakabu mã txibãmiski.

Mateus 5:6

—Ha inũ, tsuabura hawara pepa besti abutxakayamai hawẽ nuihairaiwẽ manakukĩ Deusũ hatu yaniwama keska washanaiwẽ taea benimapaketi xinaĩ benimakubaĩkanikiki.

Mateus 10:41

Deusũ hãtxa yuishunikatũ yuiai hawẽ hãtxa nĩkakĩ beya wanishũ habũ Deusũ hãtxa akaibũ manakuti pepa bishãkanikiki. Deusũ hãtxa ikũwãkĩ huni pepa beya wanishũ huni pepã manakuti pepari bishãkanikiki.

Mateus 25:43

Ẽ txaikea hua hani ushatima ẽ yumãyã hanu ushati ea yunukĩ mã ea duawama iniki. Ẽ tariuma yumãyã mã ea tari betsa inãma iniki. Ẽ isĩ tenei yumãyã ea uĩ mã eki bama iniki. Ẽ bitxiti hiwe merã nia yumãyã mã eki bamari iniki”, ẽ hatu wa

Mateus 25:45

eãri hatu yuikĩ: “Txanima ẽ matu yuiaii. Na dasibi ẽ betsabu inũ ẽ puibu hawa hayamabiabuwẽ nuiama ewẽri mã nuiama ikubaĩyamabuki”, ẽ hatu washanaii.