Mateus 23:23 - Kaxinawá Bíblia (BR)

²³ Deusũ hãtxa kenenibu yusĩnanãmisbu inũ fariseubu mã beparamemisbuũ, mã peirawa! Matũ piti niswati tibi itxawashũ mekẽ dabeti mãtxĩwãtã Deusbe nukunabu hãtxashunika mãtxĩ betsa inãbiakubaĩmis haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Kashinawa : Diosun Jesúswen taexun yuba bena yiniki

²³ Diosun jancha kenenibu yusinananmisbu inun fariseobu man bepadamemisbuun, man peidawa! Matun piti niswati tibi ichawaxun meken dabeti manchinwantan Diosbe nukunabu janchaxunika manchin betsa inanbiakubainmis jaska Diosun jancha Moisin yusini man shinanma jawada jawen pepawati inun jawen nuiti inun jawen jancha betsa watima yunubianiken matubu jawen jiwekin man jatu uinmaismaki, kanekinan.

Mateus 23:23 Referans Kwoze

Lucas 11:42

Fariseubuũ, mã peirawa! Matunã, mã kanekubaĩmisbuki. Matũ piti nis wati itxawashũ maspu mekẽ dabeti washũ bestitxai Deus kẽwãti hiwe anu dayanikabu merabewakĩ mã hatu inãkuĩmiski. Haska pewabiai haska Deusũ hãtxa Moisés yusĩni mã xinãma hawara hawẽ pepawati inũ hawẽ nuiti inũ hawẽ hãtxa betsa watima yunubianikẽ matubu hawẽ hiwekĩ mã hatu uĩmaismaki, kanekinã.

Miquéias 6:8

Hunibuũ, Senhor Deus daewakĩ mã haska watirumahairaki. Hawara pepakiri Senhor Deusũ ma matu yuinishũ matu manaikiki. Hawẽ yunuti kushipa kaneama inũ, pepa aki betxipainamei yura betsabuwẽ nuikũkaini inũ, ibubis keãma matũ mekenika Deusũ hãtxa nĩkakĩ ha besti txibãkubaĩkãwẽ, matu waniki.

Mateus 9:13

Deusũ Oséias yuinirã, mã uĩriamamẽ? Matu yuinũ nĩkairakãwẽ: ‘Ea benimawanũ ishũ txashuwã kuakĩ menu keyuaiwẽ besti akama yurabuwẽ nuikĩ hau ea benimawakubainũbũwẽ’, aka nĩkatã Oséiasĩ keneniki. Haskakẽ: “Ẽ txakabuki”, iwanã, xinaĩbu hatũ huĩti pewakĩ ẽ hatu merabewa xinã betsa watã hau Deus ikũwanũbũ ẽ huniki, huni dauya keskairã. Hakia: “Ẽ txakabumaki”, ikĩ xinaĩbu hatu merabewatanũ ika ẽ huamaki— hatu waniki.

1 Samuel 15:22

hanushũ Samuelĩ yuikĩ: “Senhor Deusũ betxipai benimamisrã, nũ ha nĩkakĩ nũ ashuaĩ besti betxipaimiski. Hamẽ ha inabu sheni menukĩ keyushũmisbu inũ hawẽ kẽwãti nami pitxãshũ pimisburã, hawẽ Senhor Deus benimai beshmasmiski. Habũ Senhor Deus nĩkakĩ ashũkubaĩmisburã, habuwẽ benimahairamiski, txashuwã sheni inũ hawẽ nami menukĩ keyushũmisbu binuarã.

Provérbios 21:3

Hiwei pekaĩkĩ Deusũ yunuti kushipa inũ dasibi haska betxipaiai tibi tsuãra hawẽ yunua ashuainã, daewakĩ inabu kuashũmisbu binuhairamiski.

Lucas 18:12

Ha inũ, semana tibi shaba dabe mia kẽwaĩ ẽ samakemiski. Ha inũ, hamapai dayakĩ bishũ mekẽ dabeti pashkatã bestitxai mĩ kẽwãti hiwe mekenikabu ẽ inãkuĩmiski”, iki ibubis keãyã

Mateus 23:13

nasaukei dabeketã betsaburi metukĩ yuikĩ: —Deusũ hãtxa kenenibu yusĩnanãmisbu inũ fariseubu mã beparamebuũ, mã peirawa! Deusũ hãtxa hawẽ hiweti unãbiai nĩka pewama tsuabura Deus shanẽ ibuai anu hikikatsi ikaibu mã hatu nemamiski. Maturi mã hikitirumabia habu betsabu hikipanãbũ mã hatu nemakubainaii.